बिर्तामोड। स्थानीय बजारमा आज सुनको मूल्य पाँच सयले घटेको छ । अघिल्लो साता पनि ओरालो लागेको सुन आज साताको पहिलो दिन नै तोलामा पाँच सयले घटेको हो ।
नेपाल सुनचाँदी व्यवसायी महासङ्घका अनुसार छापावाल सुन प्रतितोला ८८ हजार तीन सय रुपैयामा कारोबार हुने गरी मूल्य निर्धारण भएको छ । शुक्रबार छापावाला सुन तोलामा ८८ हजार आठ सयमा कारोवार भएको थियो ।
यस्तै तेजाबी सुन तोलामा ८७ हजार सय ५० रुपैयाँमा कारोवार हुने गरी मूल्य निर्धारण भएको छ । शुक्रबार तेजाबी सुन तोलामा ८८ हजार तीन सय ५० रुपैयाँमा कारोवार भएको थियो ।
यस्तै चाँदी आज तोलामा १० रुपैयाँले घटेको छ । शुक्रबार तोलामा एक हजार तीन सय ३५ रुपैयाँमा कारोवार भएको चाँदी आज भने एक हजार तीन सय पच्चिस रुपैयाँमा कारोवार हुने गरी मूल्य निर्धारण भएको छ ।
