बिर्तामोड / बिर्तामोड नगरपालिकाको मेयर पदका लागि १० जना र उपमेयरका लागि नौ जनाले उम्मेदवारी दिएका छन् । आसन्न स्थानीय तह निर्वाचनका लागि नौ वटा राजनीतिक दल र स्वतन्त्रबाट गरी मेयरमा १० र उपमेयरमा नौ जनाले उम्मेदवारी दिएका हुन् । एमालेबाट मेयरमा पवित्रादेवी महतारा, गठबन्धनका तर्फबाट नेपाली कांग्रेसका भोजराज सिटौला, राप्रपाबाट ध्रुवकुमार उप्रेती , मौलिक जरोकिलोबाट प्रज्वल अधिकारी शर्मा, मङ्गोल नेशनल अर्गनाइजेशन पार्टीबाट राजकुमार लावती, नेपाल लोकतान्त्रिकबाट अञ्चल धिमाल, जसपाबाट उदय सुरुङ्गा, अमूल परिवर्तन मसिहा पार्टी नेपालबाट मनकुमार खुदाङ लिम्बू र स्वतन्त्रबाट नगेन्द्र अधिकारीले उम्मेद्व
बुटवल / रूपन्देहीको सिद्धार्थनगर-६ की स्वेताकुमारी हरिजनले २१ वर्षको उमेरमै वडा सदस्यमा उम्मेदवारी दिएकी छन् । उनले एमालेबाट सिद्धार्थनगर-६ को वडा सदस्यका लागि सोमबार उम्मेदवारी दर्ता गराएकी हुन् ।रूपन्देहीका १६ वटा पालिकामा करिब २४ सय जनाले मनोनयन दर्ता गराएकोमा उनले दलित महिला सदस्यको रुपमा उम्मेदवारी दर्ता गराएकी हुन्उनले युवाहरूको जोस र जाँगरले मात्रै विकासमा गतिशीलता आउन सक्ने विचार धाराका साथ कान्छी प्रतिनिधि बन्दै उम्मेदवारी दिएकी हुन् । हाल स्नातक तहमा अध्ययनरत स्वेताले विकासमा युवाको भूमिका महत्वपूर्ण रहने बताउँदै आएकी छिन् । सिद्धार्थनगर मा एमालेबाट वडाध्यक्षमा रामदयाल
धरान / सुनसरीको धरान उपमहानगरपालिकाको मेयर पदका लागि २२ जनाको उम्मेदवारी परेको छ ।सोमबार सकिएको मनोनयन दर्ता अवधिमा मेयरका लागि नेपाली कांग्रेस, नेकपा एमाले, नेकपा एकीकृत समाजवादी, जनता समाजवादी पार्टी लगायत १४ राजनीतिक दल एवं ८ स्वतन्त्र गरी २२ जनाले उम्मेदवारी दिएका हुन् ।धरान उपमहानगरपालिकाको मेयर पदमा नेकपा (एमाले)बाट मञ्जु भण्डारी (सुवेदी), नेपाली कांग्रेसबाट किशोर राई, नेकपा (एकृकीत समाजवादी) बाट रेवतीरमण राई, जसपाबाट ताजुबकुमार लिम्बु, मौलिक जरोकिलोबाट रेणुका विक, मङ्गोल नेशनल अर्गनाइजेसनबाट दिर्पाकुमारी राई, राष्ट्रिय जनमुक्तिबाट राजेशकुमार राई, संघीय लोकतान्त्रिक राष्ट्रिय मञ्चबाट अम्
बिर्तामोड / निर्वाचन आयोगले स्थानीय चुनावका लागि मतपत्र छाप्ने काम धमाधम भइरहेको जनाएको छ । सोमबार सम्म एक करोड ५४ लाख ८३ हजार गरि ६३ जिल्लालाई पुग्ने गरि मतपत्र छपाएको आयोगले जनाएको छ ।हालसम्म ८० प्रतिशत मतपत्र छपाइको काम सकिएको आयोगका प्रवक्ता शालिग्राम शर्मा पौडेलले बताएका छन् । वैशाख ३० मा हुने स्थानीय चुनावका लागि आयोगले एक करोड ९४ लाख मतपत्र लाग्ने अनुमान गरेको छ ।
काठमाडौँ / वैशाख ३० मा हुन लागेको चुनावका लागि २० हजार भन्दा बढी पर्यवेक्षक खटिने भएका छन् । पर्यवेक्षकका लागि अनुमति लिएका ६८ वटा संस्थाबाट २० हजार बढी पर्यवेक्षक चुनावमा खटिने भएका हुन् ।६८ संस्थाबाट पर्यवेक्षकका लागि २० हजारभन्दा बढीको प्रस्ताव आएको आयोगका प्रवक्ता शालिग्राम शर्मा पौडेलले बताएका छन् । सो प्रस्तावमाथि चेकजाँच गरेर आयोगले पर्यवेक्षक हुनका लागि परिचय पत्र पनि जारी गर्ने भएको छ । आयोगले कुन पर्यवेक्षक कुन मतदानस्थलको पर्यवेक्षणका लागि जाने हो भन्नेसमेत सार्वजनिक गर्ने भएको छ । पर्यवेक्षकहरूलाई यही वैशाख १४ मा आयोगले अभिमुखीकरण पनि दिने भएको छ ।
झापा / आसन्न स्थानीय तह निर्वाचनका लागि नेकपा एमालेले प्रमुख, अध्यक्ष, उपप्रमुख, उपाध्यक्ष तथा वडा अध्यक्ष पदमा सबैभन्दा बढी उम्मेदवारी दिएको छ । निर्वाचन आयोगको उम्मेदवारी लगत विवरणअनुसार अन्य दलभन्दा एमालेबाट उम्मेदवारी दर्ताको संख्या बढी देखिएको हो । निर्वाचन आयोगको लगतअनुसार प्रमुख पदमा एमालेबाट दुई सय ८१ जनाको उम्मेदवारी परेको छ भने अध्यक्ष पदमा चार सय ४३ जनाको उम्मेदवारी दर्ता भएको छ । त्यस्तै उपप्रमुख पदमा दुई सय ७६ र उपाध्यक्षमा तीन सय ५७ जनाको उम्मेदवारी परेको छ । एमालेबाट वडा अध्यक्ष पदमा ६ हजार २३४ जनाको उम्मेदवारी दर्ता भएको आयोगको तथ्याङ्कमा उल्लेख छ । सत्तारुढ
झापा / निर्वाचन आसन्न स्थानीय तह निर्वाचनका लागि प्रदेश १ बाट २२ हजार एक सय ९४ जनाले मनोनयन दर्ता गराएका छन् । निर्वाचन आयोगले आज (मंगलबार) बिहान १२ः०० बजे सार्वजनिक गरेको तथ्याङ्कअनुसार प्रदेश १ का स्थानीय तहबाट २२ हजार एक सय ९४ जनाले मनोनयन दर्ता गराएका हुन् । त्यस्तै मधेसमा ३६ हजार २७५ जना, बागमतीमा २३ हजार ६५४, गण्डकीमा १२ हजार ३१४, लुम्बिनी २२ हजार ४२१, कर्णालीमा १२ हजार ८४८ र सुदूरपश्चिम प्रदेशमा ११ हजार ७६२ जनाले उम्मेदवारी दिएका आयोगले जनाएको छ । नगरपालिकाको प्रमुखमा तीन हजार ३१८ र उपप्रमुखमा दुई हजार ३६ को मनोनयन दर्ता भएको छ भने गाउँपालिका अध्यक्षमा तीन हजार ३०६, उपाध
झापा / आगामी वैशाख ३० गते हुने स्थानीय तहको निर्वाचनका लागि भरतपुर महानगरपालिकाको प्रमुखमा ३० जना र उपप्रमुखमा १३ जनाको उम्मेदवारी दर्ता भएको छ । निर्वाचन अधिकृतको कार्यालयका अनुसार १६ राजनीतिक दल र १४ स्वतन्त्र उम्मेदवारले उम्मेदवारी दर्ता गराएका हुन् ।कार्यालयका सूचना अधिकारी पुरुषोत्तम पौडेलका अनुसार प्रमुखमा नेकपा एमालेका विजय सुवेदी, नेकपा माओवादी केन्द्र की रेनु दाहाल, लोकतान्त्रिक समाजवादी पार्टी नेपालबाट गणेश गिरी, विवेकशील साझा पार्टीबाट प्रवीण काफ्ले, राष्ट्रिय जनमोर्चाबाट भक्तिराम गौतम शर्मा, नेपाल मजदुर किसान पार्टीबाट हरिप्रसाद दुलाल, नेपाल कम्युनिष्ट पार्टी (माक्र्सवादी लेलि
बिर्तामोड / स्थानीय सरकारको चुनावका लागि मनोनयन दर्ता सम्पन्न भएसँगै आयोगले आज मंगलबार दाबी विरोधको समय निर्धारण गरेको छ । आयोगका अनुसार उम्मेदवारहरूको नामावलीको सूची प्रकाशित भएपछि उम्मेदवारविरुद्ध दाबी विरोध र उजुरी दिने समय सुरु हुने भएको हो । आइतबार र सोमबार ७५३ वटै स्थानीय तहमा मनोनयन दर्ता सम्पन्न भएपनि राति अबेरसम्म मनोनयन दर्ता गर्नुपरेका कारण आयोगले उम्मेदवारहरूको नामावलीको सूची प्रकाशित गरेको छैन् ।आयोगका अनुसार कुनै पनि उम्मेदवार अयोग्य भएको लागेमा जो कोही मतदाताले निर्वाचन अधिकृतको कार्यालयमा पुगेर उजुरी दिन सक्नेछन् ।स्थानीय तह निर्वाचन ऐन २०७३ को परिच्छेद ४ मा निर्धारित
झापा / कांग्रेसका सक्रिय नेता गुरुराज घिमिरेले बैशाख ३० मा हुने स्थानीय तहको निर्वाचन लगत्तै राजनीतिबाट सन्न्यास लिने तयारी गरेका छन् ।उनले ट्विटरमा लेखेका छन् सक्रिय राजनीतिबाट बिदा लिउकी भन्ने लागेको छ, स्थानीय चुनावलगत्तै निर्णय लिन्छु । स्थानीय तहमा देशभरी उम्मेदवार बन्नु भएका साथीहरूलाई विजयको शुभकामना छ ।
Copyright © 2021 / 2026 / Esoul Media (P) Ltd. / All Rights Reserved.
