झापा / १० वर्षीय बालिकालाई बलात्कार गरेको आरोपमा प्रहरीले एकजनालाई पक्राउ गरेको छ । पक्राउ पर्नेमा तनहुँको शुक्लागण्डकी नगरपालिका -८, गणपते बस्ने ६३ वर्षीय रामजीबहादुर थापा क्षेत्री रहेका छन् । उनले बालिकालाई अमला टिपिदिने बहानामा फकाएर नजिकैको जङ्गलमा पुर्याएपछि बलात्कार गरेको पीडितका परिवारले बताए पछि उनलाई गएराति इलाका प्रहरी कार्यालय बेलचौताराबाट खटिएको टोलीले पक्राउ गरेको हो । घटना सम्बन्धमा प्रहरीले थप अनुसन्धान गरिरहेको छ ।
बिर्तामोड / ६ वर्षीय नाबालिकालाई बलात्कार गरेको आरोपमा प्रहरीले विराटनगरबाट एक जनालाई पक्राउ गरेको छ । पक्राउ पर्नेमा विराटनगर महानगरपालिका १२ का ३८ वर्षीय साजन कामत रहेका छन् । कार्तिक ११ गते दिउँसो घरमा कोही नभएको बेला बलात्कार गरेको भन्दै उजुरी परेको प्रहरीले बताएको छ । पक्राउ परेका कामत इलेक्ट्रिसियन हुन् ।नाबालिकाले छिमेकीलाई सुनाएपछि कार्तिक १४ गते प्रहरीसम्म पुगेको थियो । जाहेरीपछि आरोपीलाई पक्राउ गरि अनुसन्धान अगि बढाइको मोरङ प्रहरीका प्रवक्ता डीएसपी दीपक श्रेष्ठले जानकारी दिए ।
Copyright © 2021 / 2026 / Esoul Media (P) Ltd. / All Rights Reserved.
