रसुवा— चालु आर्थिक वर्षको साउनदेखि चैत मसान्तसम्म रसुवामा ३ करोड ५१ लाख ७६ हजार ४२० रुपैयाँ बराबरका अवैध आयातित सामग्री बरामद गरिएको छ।रसुवा भन्सार कार्यालयका अनुसार भन्सार, नेपाल प्रहरी र सशस्त्र प्रहरीको संयुक्त अभियानमा चकलेट, अचार, कपडा, कफी, खेलौना, थर्मस, भेप, चुरोटलगायतका सामग्री नियन्त्रणमा लिइएको हो। बरामद सामग्रीमध्ये ८० प्रतिशतभन्दा बढी खाद्य वस्तु रहेका छन्।भन्सार कार्यालयले बिक्रीयोग्य सामान लिलाम तथा उपभोग अयोग्य सामग्री नष्ट गर्ने जनाएको छ। राजस्व चुहावट र अवैध आयात नियन्त्रणका लागि सुरक्षा निकायसँगको संयुक्त अनुगमनलाई अझ प्रभावकारी बनाइने पनि कार्यालयले जनाएको छ।
सिद्धार्थनगर। लुम्बिनी प्रदेश प्रहरी कार्यालय, लुम्बिनीको आयोजनामा रुपन्देहीमा सम्पन्न प्रदेशस्तरीय अपराध अनुसन्धान समीक्षा गोष्ठीमा बदलिँदो अपराधको स्वरूपअनुसार अनुसन्धान प्रणालीलाई प्रविधिमैत्री, वैज्ञानिक र प्रमाणमुखी बनाउनुपर्नेमा जोड दिइएको छ ।सोमबार गोष्ठीको उद्घाटन गर्दै नेपाल प्रहरीका अतिरिक्त प्रहरी महानिरीक्षक सुशीलसिंह राठौरले सूचना तथा सञ्चार प्रविधिको विकाससँगै साइबर अपराध, वित्तीय अपराध, सम्पत्ति शुद्धीकरण, मानव बेचबिखन तथा अन्तरदेशीय अपराधका चुनौती बढ्दै गएको बताउनुभयो । उहाँले अनुसन्धान अधिकृतको क्षमता अभिवृद्धि, आधुनिक प्रविधिको प्रयोग तथा अन्तरनिकाय समन्वयमार्फत अनुसन्धानलाई
काठमाडौं— सार्वजनिक शान्तिविरुद्धको कसुर गरेको आरोपमा कीर्तिपुरको होल्डिङ सेन्टरबाट एकजना पक्राउ परेका छन् ।पक्राउ पर्नेमा भोजपुर जिल्ला, अरुण गाउँपालिकाका ३९ वर्षीय डम्बर तामाङ हुन् । उनलाई सार्वजनिक शान्ति खलल पार्ने कसुर गरेको मुद्दामा अनुसन्धानका लागि म्याद थप्न जिल्ला अदालतमा पेश गरिएको छ ।
धनकुटा— प्रहरीले धनकुटामा मिनी ट्रकमा ओसारपसार भइरहेको ७७५ किलो गाँजा बरामद गरेको छ। प्रहरीले सोमबार बिहान साँगुरीगढी गाउँपालिका-६ कोलबोटेबाट गाँजासहित एक जनालाई पक्राउ गरेको हो।पक्राउ पर्नेमा पाख्रीबास नगरपालिका-१ सान्ने घर भई सुनसरी इटहरी उपमहानगरपालिका-१ आँपगाछी बस्ने ३३ वर्षीय परीक्षण कुँवर छन्। इलाका प्रहरी कार्यालय भेडेटारबाट खटिएको प्रहरीले धनकुटाबाट धरानतर्फ जाँदै गरेको को१ख ४६३५ नम्बरको मिनी ट्रकका चालक कुँवरलाई गाँजासहित पक्राउ गरको हो।उनले चलाएको मिनी ट्रकमा २५ वटा पोकामा गाँजा फेला परेको जिल्ला प्रहरी कार्यालय धनकुटाले जनाएको छ। गाँजा ओसारपसार भइरहेको सूचना पाएपछि इलाका प्रहरी कार्
काठमाडौं— सामाजिक सञ्जालमा एमाले उपाध्यक्ष विष्णु पौडेललाई सम्पत्ति शुद्धीकरण अभियोगमा पक्राउ गरिएको, उनको लगानी रहेको भनिएको कृषि फार्ममा छापा मारिएको तथा ३५ बिघा जग्गासम्बन्धी विवरण फेला परेको दाबी गरिएको सामग्री व्यापक रूपमा साझा भइरहेको छ।तर यी दाबीहरूलाई पुष्टि गर्ने सम्बन्धित सरकारी निकाय, अनुसन्धान निकाय वा अदालतको आधिकारिक जानकारी प्रस्तुत गरिएको छैन। त्यसैले यस्ता दाबीलाई आधिकारिक पुष्टि नभएसम्म तथ्यका रूपमा लिन मिल्दैन।यस्ता संवेदनशील विषयमा आधिकारिक निकायको वक्तव्य, अदालतका अभिलेख वा विश्वसनीय समाचार स्रोतबाट पुष्टि भएपछि मात्र निष्कर्ष निकाल्नु उपयुक्त हुन्छ।
लुम्बिनी— नियमित गस्तीमा रहेको प्रहरी टोलीले भन्सार छलेर भारतबाट ल्याइएका रु २४ लाख बराबरका मोबाइल फोनसेट बरामद गरेको छ ।रुपन्देहीको ओमसतिया गाउँपालिका–४ सानो बालापुरबाट रु २३ लाख ९० हजार बराबरका विभिन्न मोडलका एप्पल कम्पनीका आईफोन बरामद गरिएको जिल्ला प्रहरी कार्यालयका प्रहरी नायब उपरीक्षक कृष्णकुमार चन्दले जानकारी दिए ।
काठमाडौं— गृह मन्त्रालयको मान्छे भन्दै प्रहरी कार्यालयमा स्वार्थका लागि अनधिकृत पहुँच राख्न खोजेको आरोपमा एक जना पक्राउ परेका छन् ।पक्राउ पर्नेमा ३० वर्षीय आदित्य सिंह छन् । उनले आफूलाई गृहमन्त्रालयको जिम्मेवार व्यक्ति भन्दै प्रहरी कार्यालयमा सेटिङ मिलाउन खोजेको प्रहरीको भनाइ छ ।कोटेश्वरस्थित खरिबोट क्षेत्रबाट पक्राउ गरिएका सिंहमाथि अनुसन्धान भइरहेको छ ।
काठमाडौं— जेलभित्र रहेका कैदीबन्दीका लागि छुट्याइएको करिब साढे १३ लाख रुपैयाँ हिनामिना भएको आरोप सार्वजनिक भएपछि घटनाले चर्चा पाएको छ।उक्त रकमको प्रयोग र व्यवस्थापनबारे प्रश्न उठेपछि सम्बन्धित निकायबाट छानबिन हुनुपर्ने माग समेत उठिरहेको छ। यस विषयमा विभिन्न दाबी सार्वजनिक भइरहेका छन्।यसैबीच, सामाजिक सञ्जालमा नेता अभिषेक गिरीलाई प्रहरीले पक्राउ गरेको भन्ने दाबी पनि फैलिएको छ। तर यस दाबीबारे सम्बन्धित प्रहरी निकायबाट आधिकारिक पुष्टि भएको छैन।घटनाबारे आधिकारिक विवरण र अनुसन्धानको निष्कर्ष सार्वजनिक हुन बाँकी रहेकाले अपुष्ट दाबीलाई तथ्यका रूपमा प्रस्तुत गर्नु उपयुक्त हुँदैन।
हेटौंडा— भारततर्फ तस्करी गर्न लागिएको ४ किलो ४२० ग्राम अफिमसहित दुई जनालाई मकवानपुरबाट प्रहरीले पक्राउ गरेको छ।लागुऔषध नियन्त्रण ब्युरोको टोलीले विशेष सूचनाका आधारमा शुक्रबार हेटौंडा–४ बाट मकवानपुरका ५४ वर्षीय राजकुमार लामा र ४० वर्षीय राजकुमार तितुङलाई नियन्त्रणमा लिएको हो।बरामद अफिमसहित दुवैलाई थप अनुसन्धान र कानुनी कारबाहीका लागि जिल्ला प्रहरी कार्यालय मकवानपुरमा पठाइएको प्रहरीले जनाएको छ।
काठमाडौं— पत्रकार विनोद ढकाललाई साइबर अपराधसम्बन्धी मुद्दामा प्रहरीले पक्राउ गरेको छ। उनलाई प्रहरी वृत्त नयाँ बानेश्वरको टोलीले काठमाडौंबाट पक्राउ गरेको हो।प्रहरीका अनुसार ढकालविरुद्ध इलाका प्रहरी कार्यालय, इटहरीमा दर्ता भएको उजुरीका आधारमा सुनसरी जिल्ला अदालतबाट पक्राउ पुर्जी जारी भएको थियो। सोही पुर्जी कार्यान्वयन गर्दै उनलाई पक्राउ गरिएको हो।ढकालले आफ्नो फेसबुकमार्फत प्रहरी महानिरीक्षक दानबहादुर कार्की, इटहरी उपमहानगरपालिकाका मेयर हेमकर्ण पौडेललगायत व्यक्तिहरूविरुद्ध विभिन्न टिप्पणी गरेको आरोप छ।क्यानडा नेपाल डटकमसहित विभिन्न सञ्चारमाध्यमसँग आबद्ध रहेका ढकाललाई थप अनुसन्धानका लागि सुनसरी पठ
Copyright © 2021 / 2026 / Esoul Media (P) Ltd. / All Rights Reserved.
