हलिउडका प्रसिद्ध पटकथा लेखक (स्क्रिनराइटर) मध्येका एक टम स्टपर्डको निधन भएको छ । उनको ८८ वर्षको उमेरमा निधन भएको हो । उनको निधनले अहिले हलिउड उद्योगमा गहिरो शोक छाएको छ ।
सन् १९३७ मा चेकोस्लोभाकियामा जन्मिएका स्टपर्डको बाल्यकाल निकै सङ्घर्षपूर्ण रह्यो । नाजी आक्रमणपछि उनको परिवार विस्थापित भएर सिंगापुर पुगेको थियो । पछि परिस्थिति यस्तो बन्यो कि उनकी आमा दुई छोरा लिएर भारत पसिन् ।
स्टपर्ड सानैदेखि विलक्षण प्रतिभाका धनी थिए । उनले लेखेका नाटकहरूले नै उनलाई विश्वव्यापी पहिचान दिलायो । टम स्टपर्डले आफ्नो करियरमा धेरै उत्कृष्ट नाटकहरू रचना गरेका छन् । जसमा ‘जम्पर्स’, ‘ट्राभेस्टिज’, ‘द रियल थिङ’, ‘आर्केडिया’ र ‘रक एन रोल’ जस्ता नाटकहरू लगायत छन् । यी कृतिहरूले उनलाई मनोरञ्जन जगतमा एक सफल पटकथा लेखकको रूपमा स्थापित गराएको छ ।
स्टपर्डले आफ्नो करियरमा तीन ओलिभियर अवार्ड, पाँच टोनी अवार्ड र चलचित्र ‘सेक्सपियर इन लभ’ का लागि एक ओस्कर अवार्ड प्राप्त गरेका थिए । रङ्गमञ्चमा उनको अतुलनीय योगदानको कदर गर्दै सन् १९९७ मा बेलायती महारानी एलिजाबेथ द्वितीयले उनलाई ‘नाइट’ को उपाधिबाट सम्मान गरेकी थिइन् ।
