नेपाली फिल्म ‘प्रसाद र प्रसाद २’ का निर्माता सुभाष थापा बैंकिङ कसुर मुद्दा (चेक बाउन्स’मा दोषी ठहर भएका छन् ।
जिल्ला अदालत काठमाडौंले असारको २९ गते गरेको फैसलामा थापाले फिल्म निर्माणको लागि रकम उठाएर चेकमार्फत तिर्न खोजेपनि चेक बाउन्स भएको भन्दै उनलाई दोषी ठहर गरेको हो ।
निर्माता थापा भने अहिले अष्ट्रेलियामा छन् ।
थापालाई ‘प्रसाद २’का सह–निर्माता केशव पाण्डेले फिल्म निर्माणका क्रममा ६२ लाख ५० हजार रुपैयाँ दिएका थिए । तर, थापाले पाण्डेको नाममा फिल्म निर्माण गरेनन् ।
यस्तै, उनले पाण्डेको पैसा फिर्ता गर्न पनि इन्कार गरे । उनले पाण्डेलाई चेक दिएका थिए । तर, ती चेकहरू साटिएनन् ।
यसपछि पाण्डेले प्रहरीमा उजुरी दिएका थिए ।
