काठमाडौं । नायिका उपासना सिंह ठकुरीले आफू ‘कर्मा’को एक्सन हेरेर प्रभावित भएको बताएकी छन् । सेटमा कर्माको एक्सन सिन हेरेर आफू लोभिएको उनले बताइन् ।
‘म कर्मामा एक्सन अवतारमा छैन । तर, कर्मामा जसरी एक्सन सिनमा काम भएको मैले देखेँ, मलाई निकै मनपर्यो,’ उपासना भन्छिन्, ‘मैले आजसम्म एक्सन फिल्म गरेको छैन । तर, अब काम गर्ने रहर छ ।”
उनले एक्सन फिल्मबाट अफर आओस् भन्ने चाहेको खुलाइन् । ‘अरु क्यारेक्टर धेरै गरें । तर, अब एक्सन फिल्मबाट अफर आओस भन्नेछ । म एक्सन सिनेमाबाट अफर आउँछ भन्ने पर्खाइमा छु ।’ उनले भनिन् ।
फिल्ममा उपासना विपीन कार्कीको अपोजिटमा छिन् । विपिन र उपासनासँगै मुकुन भुसाल, दिब्यदेब, सरिता गिरी, बेन बस्नेत, सुज्यान सिलवाल, अनिल बुढाथोकी, निर्मल शर्मालागायतको अभिनय रहेको छ ।
नयाँ वर्ष २०८२ को छेको पारेर फिल्म आगामी चैत २९ गते रिलिज हुँदैछ । नेपाल र विदेशमा यो फिल्म एकसाथ प्रदर्शन हुनेछ । फिल्मका लेखक तथा निर्देशक सौरभ चौधरी हुन् ।
