काठमाडौं । फिल्म ‘चमेलीको पोइ’को मुख्य कलाकारमा नारायण त्रिपाठी (प्रेम चरो) अभिनेता मुकुन भुसाल र अभिनेत्री सुरक्षा पन्त अनुबन्धित भएका छन् । निर्देशक एभरेष्ट सूर्य बोहराको निर्देशनमा बन्ने यही फिल्मबाट नारायण ६० को दशकका चर्चित हाँस्य कलाकार त्रिपाठी ठूलो पर्दामा ‘कमब्याक’ गर्न लागेका हुन् ।
नयाँ बर्ष २०८२ को पहिलो दिन शुभमुर्हतसँगै सुटिङ सुरु गरिने फिल्ममा विल्सनविक्रम राई (तक्मे बुढो), रविन्द्र झा, रजनी गुरुङ, अंशु महर्जन, उमेश राई (फुलन्देकी आमा), बबिन राई (गल्फने), खड्गबहादुर पुन (खबपु), अनुश्का नारायण, मिरा गौतम, अनिल गुरुङ, गणेश गौतम, रितु मल्ल ठकुरी, धनलक्ष्मी बोहरा, मिरा आरएल शाही ठकुरी, प्रकाश कँडेल, विनोद बज्राचार्य, कपिल आचार्य, प्रदिपकुमार सापकोटा, सुनीता सापकोटा, रामनारायण उपाध्याय र निर्देशक बोहराले समेत अभिनय गर्दैछन् ।
एभरेष्ट सूर्य बोहरा फिल्मस्सँगको सहनिर्माणमा धन लक्ष्मी सिने मेकर्सले निर्माण गर्ने फिल्मको निर्मातामा सुनीता सापकोटा र रामनारायण उपाध्याय अनि कार्यकारी निर्मातामा उदय बिक्रम राणा र रितु मल्ल ठकुरी छन् । प्रदिपकुमार सापकोटा, कपिल आचार्य, यमप्रसाद ओली, यम बराल, नारायण त्रिपाठी र सुदिप कुँवर सहनिर्माता रहेको फिल्म निर्देशक बोहरा स्वयम्ले लेखेका हुन । सहलेखनमा उनलाई शिवम अधिकारीले सघाएका छन् ।
पारिवारिक कथानक फिल्ममा शम्भुजीत बाँसकोटा, राजनराज शिवाकोटी र आशिष अबिरलको संगीत छ । यसअघि ‘कान्छा’,‘अग्नी परिक्षा’,‘मुटुस’,‘ठूली’,‘भैरे’,‘श्री’,‘हेल्लो जिन्दगी’ जस्ता चर्चित फिल्म निर्देशन गरिसकेका निर्देशक बोहराको यो फिल्मको लोकेशन काठमाडौ,पोखरा र मुस्ताङ तय गरिएको छ ।
