काठमाडौं । फिल्म ‘अभिमन्यु’को मुहूर्तसँगै छायांकन सुरु भएको छ । निर्माणपक्षले मंगलबार कीर्तिपुरमा मुहुर्त गर्दै छायांकन सुरु गरेको हो । फिल्मगौमाया गुरुङ, सरिता गिरी, लक्ष्मी बर्देबा, शिशिर वाङ्देल, किरण श्रेष्ठलगायत कलाकारको अभिनय ।
फिल्मका निर्माता विनोद पौडेलले फिल्मको पात्रअनुसार बलियो लाइनअप तयार गरिएको बताएका छन् । विनोद सर्वकालीन ब्लकबस्टर फिल्म ‘पूर्णबहादुरको सारङ्गी’ का निर्मातासमेत हुन् । फिल्म ‘अभिमन्यु’ आगामी भदौ २७ गते रिलिज हुनेछ ।
फिल्मको थिम पोस्टरले चक्रव्यूह र पैसाबीचको संघर्षलाई प्रस्तुत गर्ने संकेत गरेको छ । पैसाको प्रलोभनमा चक्रव्यूहमा फस्ने र त्यहाँबाट उम्किन खोज्ने व्यक्तिको संघर्षको फिल्मको मुख्य कथा भएको बताइएको छ ।
सेभेन सिज सिनेमाको प्रस्तुति निर्माण हुने फिल्ममा सुशान्त गौतमको डेब्यु निर्देशन रहनेछ । मुकेश खनालको लेखन रहेको फिल्मको क्रिएटिभ निर्देशक मदन थापा हुन् । थापाले यसअघि फिल्म ‘बाटोः रोड टु डेथ’ निर्देशन गरेका थिए ।
विनोद पौडेल र गुञ्जन गिरी निर्माता रहेको फिल्ममा रमेश चौलागाई र हरि श्रेष्ठ सह–निर्माता रहेका छन् । फिल्ममा शरद महतोको डिओपी रहनेछ । यो पिःल्म विश्वभर एक साथ हिन्दी र नेपाली भाषामा रिलिज हुनेछ ।
