काठमाडौं । गायक सुशान्त केसीको स्वरमा रहेको फिल्म ‘कर्मा’को गीत सार्वजनिक भएको २४ घण्टा नबित्दै युट्युब ट्रेण्डिङमा परेको छ । सोमवार सुशान्त केसीको युट्युब च्यानलबाट सार्वजनिक गरिएको ‘पागल’ बोलको गीत युट्युबको म्युजिक सेक्सन अर्न्तगत ७ नम्बर ट्रेन्डिङमा छ ।

प्रेमिल गीतमा शब्द तथा संगीत पनि गायक केसीकै छ । हालसम्म यो गीतलाई करिब ३ लाख १५ हजार दर्शकले हेरिसकेका छन् ।

OM Sai Pathibhara Hospital

फिल्मका लागि पहिलो पटक गीत गाए गायक केसीले अहिलेको युवापुस्ताले रुचाउने खालको गीत तयार पारेका छन् । गीतको शब्द तथा लय सुशान्त केसीको आफ्नै फ्लेबरमा छ । 

गीतको भिडियोमा विपीन कार्की र उपासना सिंह ठकुरीको अभिनय छ ।  नेपाल र विदेशमा एकसाथ रिलिज हुने फिल्म नयाँ वर्ष २०८२ को छेको पारेर आगामी यही चैत २९ गते रिलिज हुँदैछ ।

फिल्ममा विपीन र उपासनासँगै मुकुन भुसाल, दिब्यदेब, सरिता गिरी, बेन बस्नेत, सुज्यान सिलवाल, अनिल बुढाथोकी, निर्मल शर्मालगायतको अभिनय रहेको छ । फिल्ममा सौरभ चौधरीको लेखन र निर्देशन छ ।