काठमाडौं । फिल्म ‘कर्मा’को गीत सार्वजनिक भएको छ । सुशान्त केसीको युट्युब च्यानलबाट ‘कर्मा’को गीत सार्वजनिक गरिएको हो । ‘पागल’ बोलको प्रेमिल गीतमा गायक सुशान्त केसीको स्वर छ । गीतमा शब्द तथा संगीत पनि गायक केसीकै छ ।
विपीन कार्कीले उपासना सिंह ठकुरीलाई देख्न बित्तिकै मायामा पागल बनेको क्षणलाई गीतले पक्रेको छ । गीतको शब्द तथा लय सुशान्त केसीको आफ्नै फ्लेबरमा छ । फिल्ममा सुशान्तले गाएको यो पहिलो गीत हो ।
फिल्मको फुटेज भिडियोमा प्रयोग गरिएको छ । फिल्मका कलाकारको जति नै सुशान्त पनि भिडियोमा फिचर्ड छन् ।
फिल्म ‘कर्मा’ आगामी चैत २९ गते रिलिज हुँदै छ । फिल्ममा विपीन र उपासनासँगै मुकुन भुसाल, दिब्यदेब, सरिता गिरी, बेन बस्नेत, सुज्यान सिलवाल, अनिल बुढाथोकी, निर्मल शर्मालगायतको अभिनय रहेको छ । फिल्ममा सौरभ चौधरीको कथा र निर्देशन छ ।
