काठमाडौं । निर्देशक राजु गिरीको निर्देशनमा निर्माण हुने नयाँ फिल्म ‘डल्लेले इन्ट्री मार्यो’ मा अभिनेता प्रकाश घिमिरे भित्रिएका छन् । फिल्मको शीर्ष भूमिकामा यसअघि नै अभिनेता तथा मोडल सागर लम्साल ‘बले’ अनुबन्धित भइसकेका छन् । निर्माण टिमले शनिबार सागरको बुबाको भूमिकाका लागि अभिनेता घिमिरेलाई अनुबन्धित गरेको हो ।
चैत्र तेश्रो साताबाट छायांकनको तयारीमा रहेको फिल्ममा सागर लम्साल, प्रकाश घिमिरेका साथमा रबिन्द्र झाको अभिनय हुनेछ । सञ्चारकर्मी तथा निर्देशक लक्ष्मण सुवेदीको स्क्रिप्ट लेखन रहेको फिल्मको निर्मातामा सावित्रा चिलुवाल, आशिक बस्नेत, आदर्श बस्नेत र निर्मला बस्नेत छन् । बाबुल गिरी र रिमेशकुमार थापाको संगीत रहेको फिल्म उषा फिल्मसको ब्यानरमा निर्माण हुदैछ ।
फिल्मका अन्य कलाकार र प्राबिधिकको चयन कार्य धमाधम भइरहेको जानकारी निर्देशक गिरीले दिएका छन् । उनले आफ्नो फिल्म तिहारको लक्ष्मीपूजामा प्रदर्शन गरिने बताए ।
