काठमाडौं । आगामी फागुन १४ गतेबाट प्रदर्शन हुने फिल्म ‘मायावी’को दोस्रो गीत ‘टल टल टल्कियो’ सार्वजनिक भएको छ । सोमबार सार्वजनिक गरिएको यो गीतको भिडियोमा नायक पल शाह, नायिका दीपिका प्रसाईं, सुशिल सिटौला, करिश्मा श्रेष्ठलगायतका कलाकारको अभिनय छ ।
गीतको भिडियोमा दीपिकाको अर्कैसँग इन्गेजमेन्ट भएपछि पल शाहले यो गीत गाएको देखिन्छ । एसडी योगी र रेश्मा पुनको स्वर रहेको यो गीतमा एसडी योगीकै संगीत, राम अविरलको शब्द, र कविराज गहतराजको कोरियोग्राफी रहेको छ ।
क्रियटिम सिने आर्टस् र नेम महर्जनको लगानी रहेको फिल्ममा ध्रुव न्यौपाने, राज कटुवाल र चन्द्र पन्त निर्माता छन् । फिल्ममा राजु पराजुली र सुमित वली सह–निर्माता छन् ।
फिल्ममा पल र दीपिकाको साथा सुशिल सिटौला, करिश्मा श्रेष्ठ र नव–कलाकार समीम खान, राजाराम पौडेल, प्रशान्त ताम्राकार, लक्ष्मी गिरी, अंशु महर्जन, रवि डंगोल, रमा प्रसाई, दीपेन्द्र सिम्खडा, संगीता सिलवाललगायतका कलाकारहरुको पनि अभिनय छ ।
दिवाकर भट्टरार्इको लेखन तथा निर्देशनमा तयार भएको फिल्मको कार्यकारी निर्माता प्रविन भट्टराई र करण सिंह हुन् । फिल्ममा मिलन श्रेष्ठको सम्पादन, बसन्त अधिकारीको सह–निर्देशन, शम्भुजित बास्कोटा र एसडी योगीको संगीत, कविराज गहतराज र प्रविण सिंहको कोरियोग्राफी छ ।
