मुम्बई(एजेन्सी) । गायक उदित नारायण झा बस्दै आएको मुम्बईको भवनमा आगलागी भएको छ । आगलागीमा परी उदितका एक छिमेकीको निधन भएको छ । सोमबार राती अँधेरीको शास्त्रीनगरमा अवस्थित उदित नारायण बस्दै आएको भवन ‘स्काईपेन’मा आगलागी भएको हो ।
विक्की लालवानीले सामाजिक सञ्जालमा एक पोस्ट लेख्दै भवनको ११ औं तलामा बस्दै आएका उदितका छिमेकी राहुल मिश्रालाई कोकिलाबेन अस्पताल पु¥याउनासाथ डाक्टरले मृत घोषणा गरेका थिए । आगलागीमा रौनक मिश्रा गम्भीर घाइते भएका छन् ।
मुम्बई फायर ब्रिगेड हेडक्वार्टरका अनुसार भवनमा रहेको मिश्राको फ्ल्याटमा बिजुली सट हुँदा आगलागी भएको हो । प्रत्यक्षदर्शीले फ्ल्याटमा दियो बाल्दा दियोले झ्यालको पर्दामा भेटेपछि आगलागी भएको बताए । आगलागी पछि राहुलकी पत्नीले सहयोग माग्नका लागि भवन तल आए पनि राहुलको उद्दारमा ढिलाई भइसकेको थियो ।
