काठमाडौं । नेपाल प्रिमियर लिग (एनपीएल) अन्तर्गत आज पनि दुई खेल हुँदै छ।आजको खेल पोखरा एभेन्जर्स र काठमाडौं गुर्खाज, चितवन राइनोज र जनकपुर बोल्ट्स बिच हुँदै छ।
एनपीएल अन्तर्गत शनिबार बिहान त्रिवि मैदान कीर्तिपुरमा बिहान ९ बजे पोखरा एभेन्जर्स र काठमाडौं गुर्खाज प्रतिस्पर्धा गर्दैछन्। एनपीएल अन्तर्गत शनिबार दिउँसो भने चितवन राइनोज र जनकपुर बोल्ट्स भिड्दैछन्। यो खेल देउँसो १ बजे सुरु हुदैछ।
जनकपुर बोल्ट्स एक खेलअघि नै क्वालिफायरमा पुगिसकेको छ । आज खेल्ने अरू तीन वटा टोलीको पनि क्वालिफायर पुग्ने गणितीय सम्भावना कायमै छ । चितवन ६ खेलमा ६ अंकसहित चौथो स्थानमा छ । काठमाडौँ ५ खेलमा ४ अंकसहित छैटौं तथा समान अंकसहित पोखरा सातौं स्थानमा छ ।
