काठमाण्डौ । नेपाल प्रिमियर लिग (एनपीएल) मा आज दुईवटा रोमाञ्चक खेलहरू हुँदैछन्। पहिलो खेल बिहान ९ बजे कर्णाली याक्स र चितवन राइनोजबीच हुनेछ। कर्णालीले आफ्नो पहिलो जितको खोजी गर्दै चितवनको अपराजित यात्रालाई रोक्ने प्रयास गर्नेछ।
कर्णाली याक्स सुरुवाती दुई खेलमा हार बेहोर्दै अंकविहीन छ। जनकपुर बोल्ट्ससँग ८ विकेटले र काठमाडौं गुर्खाजसँग ३ विकेटले हारेको थियो। शीर्ष ४ मा स्थान सुरक्षित गर्न जित अत्यावश्यक छ।
चितवन राइनोज दुबै खेलमा शानदार जित हासिल गर्दै अपराजित छ।काठमाडौंलाई ५ विकेटले र पोखरालाई ८७ रनले हराएको थियो। दोस्रो खेल दिउँसो १ बजे लुम्बिनी लायन्स र पोखरा एभेन्जर्सबीच हुनेछ।
लुम्बिनी लायन्स पहिलो खेलमा विराटनगर किङ्ससँग २ विकेटले हार बेहोरेको थियो। उच्च स्कोरिङ क्षमताका बावजुद जित निकाल्न संघर्षरत छ।पोखरा एभेन्जर्स पहिलो खेलमा चितवनसँग र दोस्रो खेलमा जनकपुर बोल्ट्ससँग ७ विकेटको हार व्यहोरेको छ।ब्याटिङमा सुधार गर्दै आफ्नो पहिलो जितको खोजीमा छ
दुवै खेल रोमाञ्चक हुने अपेक्षा गरिएको छ, किनकि सबै टिम आफ्नो स्थान मजबुत बनाउन प्रयत्नशील छन्।
