काठमाडौं–सुनको मूल्यमा हरेक दिन नयाँ रेकर्ड बनिरहेको छ । आज सुनको मूल्य तोलामा रु ४०० ले वृद्धि हुँदै प्रतितोला रु १५९,२०० पुगेको छ । नेपाल सुनचाँदी व्यवसायी महासङ्घका अनुसार, आइतबार सुनको मूल्य रु १५८,८००मा कारोबार भएको थियो ।
सुनको मूल्यमा लगातार वृद्धि भइरहेको छ, जबकि चाँदीको मूल्य स्थिर रहँदै आइतबार प्रतितोला रु १,९२०मा कारोबार भएको छ । चाँदीको मूल्यमा कुनै परिवर्तन छैन र आज पनि सोही मूल्य कायम गरिएको महासंघले जानकारी दिएको छ ।
