काठमाडौं–रगत पातलो बनाउने औषधि गोमन सर्पको विषलाई प्रभावहीन बनाउन उपयोगी हुने रहस्य खुलेको छ ।
अस्ट्रेलिया, क्यानडा, कोस्टारिका र बेलायतका वैज्ञानिकहरूले हेपरिन नामक उक्त औषधि गोमन सर्पले टोक्दा सस्तो एन्टिडोट अर्थात् विषमारक औषधिका रूपमा प्रयोग गर्न सकिने बताएका हुन्।
सर्पको टोकाइका कारण ज्यान गुमाउने अधिकांश मानिस अफ्रिका, दक्षिण एशिया र दक्षिणपूर्वी एशियाका विपन्न ग्रामीण बस्तीका हुन्छन् । भारत र अफ्रिकामा सर्पले टोकेका अधिकांश घटनाहरू गोमन सर्पसँगै सम्बन्धित हुन्छन् ।
गोमन सर्पको विषमा मानिसको शरीरका तन्तुहरू गलाउने वा मार्ने हानिकारक तत्त्व पाइन्छ । सोही तत्वलाई हेपरिनले निष्क्रिय बनाउन सक्छ । उक्त औषधि अरू सर्पको विषविरुद्ध भने प्रभावकारी नहुने वैज्ञानिकको दाबी छ । मुसामा सफल परीक्षण भइसकेको यो औषधि अब मानवमा गर्न बाँकी छ । एजेन्सीको सहयोगमा
