काठमाण्डौ । बनेपाको भैंसेपाटिमा एक यात्रुवाहक बस दुर्घटना भएको छ । पनौतीबाट काठमाडौँ आउँदै गरेको बसले विपरीत दिशाबाट आइरहेको बसलाई ठक्कर दिँदा ५ जना घाइते भएका छन्। 
काठमाडौँ आउँदै गरेको बा.२ ख ६६६९ नम्बरको बसले बा प्र-०१-००६ ख २९९७ नम्बरको मयूर बसलाई ठक्कर दिएको प्रहरीले जनाएको छ। घाइतेलाई उपचारका लागि सिरमेमोरियल अस्पताल पठाएको प्रहरीले बताएको छ। पाँचखाल नपा-६ की २४ वर्षीया नवीना दनुवार र नमोबुद्ध नपा-५ की २० वर्षीया करुणा भुजेलको उपचार भइरहेको छ।
जिल्ला काभ्रे नमोबुद्ध नपा-३ की ३६ वर्षीया वाङ्जु लामा‚ उनकी ११ वर्षीया छोरी फुर्सङ लामा र ९ वर्षीय छोरा समर्पण लामा दाहिने सामान्य उपचारपछि घर फर्किएका छन्।बस र बसचालक इलाका प्रहरी कार्यालय बनेपाको नियन्त्रणमा रहेको छ।
