काठमाडौं । त्रिकोणात्मक टी-२० सिरिजको उपाधिका लागि आज शुक्रबार घरेलु टोली नेपाल र यूएईबीच प्रतिस्पर्धा हुँदैछ । त्रिवि मैदानमा हुने फाइनल खेल बिहान ११ बजेबाट सुरु हुनेछ ।
सिरिजमा नेपालले हङकङ र यूएईलाई समान २/२ खेलमा हराएको थियो । यूएईले हङकङलाई १ खेलमा हराउँदै नेट रनरेटका कारण फाइनलमा पुगेको हो ।
आईसीसी टी-२० विश्वकप छनोटको तयारी स्वरूप नेपाल क्रिकेट संघ (क्यान)ले त्रिकोणात्मक सिरिजको आयोजना गरेको हो ।
