झापा । पाँचथरको फिदिम नगरपालिकास्थित ताप्लेजुङको पाथिभरा दर्शन गरेर फर्कदै गरेको कार दुर्घटना हुँदा एकजनाको मृत्यु भएको छ भने चार जना घाइते भएका छन् ।
शुक्रबार बेलुका ताप्लेजुङको पाथिभरा तिर्थयात्रा गरी फर्कने क्रममा मेचिराजमार्ग सडकबाट करिब दुइसय मिटर तल खसेर सो दूर्घटना भएको हो ।
ताप्लेजुङस्थित पाथीभरा देवीको दर्शन गरेर फर्कंदै गरेका तीर्थयात्री सवार प्रदेश १–०१–००१ च ९३४९ नम्बरको कार शुक्रबार राति करिब ८ बजे दूर्घटना भएको थियो । 
झापा बिर्तामोड नगरपालिका नमुना टोल निवासी १८ बर्षिय रश्मा भुजेलको घटनास्थलमै मृत्यु भएको छ ।
दुर्घटनामा परी ४० बर्षिय सिता भुजेल, ४५ बर्षिय राजु भुजेल र ३९ बर्षिय मिना भुजेल गम्भिर घाइते भएका छन्, भने १३ बर्षिय राजमोहन भुजेल सामान्य घाइते भएका छन् । उनिहरु एकै परिवारका सदस्य हुन् ।
करिब सातबजे बाक्लो हुस्सुसँगै वर्षा पनि भइरहेको बेला सडकबाट चिप्लिएर कार खसेको प्रारम्भिक अनुमान प्रहरीले गरेको छ।
जिल्ला प्रहरी कार्यालय पाँचथरका अनुसार घाइते चारैजनालाई थप उपचारको लागि बिर्तामोड रिफर गरिएको छ ।
