झापा - सशस्त्र प्रहरीले सुनसरीको धरानबाट प्रतिबन्धित लागू औषध सहित दुइ जनालाइ पक्राउ गरेको छ । पक्राउ पर्नेमा धरान १५ का ३० वर्षीय सागर राई र १७ वर्षीय सबिन तामङ रहेको सशत्र प्रहरी बल नेपाल सुरक्षा बेस क्याम्प धरानका प्रमुख सशस्त्र प्रहरी नायव उपरीक्षक सुरज रिजालले बताउनुभयाे ।
सशस्त्र प्रहरीको टोलीले बगरकोटबाट उनीहरुलाइ पक्राउ गरेको हाे । पक्राउ परेकाहरुको साथबाट १ सस्पास्पिन ४ सय ७३ पिस, ट्रमोल ४ सय ५८, र गाजा १० ग्राम बरामत भएको रिजालले जानकारी दिनुभयाे । धरान लागुऔषध कारोबारको अखडा बनेपछि सशस्त्र प्रहरीले कारोबारमा संलग्नलाई पक्राउ गर्न विशेष टोली परिचालन गरिएको उहाँले बताउनुभयाे ।
