झापा- झापाको बिर्तामोड नगरपालिका-३ बिर्ताबजारबाट प्रतिबन्धित लागुऔषध ब्राउन सुगर सहित एक जनालाई प्रहरीले पक्राउ गरेको छ । सोमबार दिउँसो प्रहरी चौकी बिर्ताबजारबाट खटिएको प्रहरी टोलीले शंकास्पद अवस्थामा हिडिरहेका बिर्तामोड नगरपालिका-२ का २६ बर्षीय दयालाल राजबंशीलाई चेकजाँचको क्रममा उनको साथबाट १ ग्राम ८ सय मिलि ग्राम ब्राउन सुगर र नगद ६ हजार ७ सय ५० रुपैया बरामद गरेको हो । प्रतिबन्धित लागुऔषध ब्राउन सुगर सहित पक्राउ परेका राजबंशीको इलाका प्रहरी कार्यालय अनारमनी झापाबाट थप अनुसन्धान भईरहेको छ ।