झापा / सरकारले आठौं संविधान दिवसको अवसरमा विभिन्न मानपदवी र अलङ्कार पाउने व्यक्तिहरूको नाम सार्वजनिक गरेको छ। फिल्म तथा संगीत क्षेत्रका व्यक्तिहरूलाई पनि मानपदवी र अलङ्कारबाट विभूषित गर्ने घोषणा गरिएको छ।
राष्ट्रपतिबाट विभूषित तथा सम्मानित हुने कलाकारहरू मध्ये सुकीर्तिय राष्ट्रदीप पाउनेमा वरिष्ठ कलाकार नीर शाह, कलाकार मदनकृष्ण श्रेष्ठ, राजेश हमाल, हरिवंश आचार्य र गायक नन्द कृष्ण श्रेष्ठ रहेका छन् ।
गायक तथा संगीतकार शम्भु राई, चलचित्र निर्देशक प्रदीप लाचल श्रेष्ठ, निर्देशक अशोक शर्मा, अभिनेता दीपक राज गिरी, संगीतकार आलोकश्री (सुर्य कुमार खाती), दीपक संगम, गायक आनन्द कार्की, गायिका ज्ञानु राणा र अभिनेता अर्जन श्रेष्ठले सुप्रबल जनसेवाश्रीबाट विभूषित हुने भएका छन् ।
त्यस्तै कीर्तिमय राष्ट्रदिपबाट अभिनेता तथा निर्देशक कृष्ण कुमाल मल्ल र कलाकार मिथिला शर्मा सम्मानीत हुने भएका छन् भने प्रबल जनसेवाश्रीबाट संगीतकार मिलन मोक्तान र चेतन सापकोटा, गीतकार डा. धर्मराज उपाध्याय, गायक सीताराम पोखरेल, नाट्यकर्मी जित देउजा, अभिनेता निर्देशक निर्मल शर्मा, कलाकार निरूता सिंह, नगेन सिंह ठकुरी, दयाहाङ राई, विराज भट्ट (भोजराज भट्ट) र गायिका सत्यकला राई सम्मानित हुने भएका छन् ।
यसैगरी जनसेवाश्रीबाट लोकगायिका सुनिता दुलाल, गीतकार बद्री पाण्डे र डिल्लिनारायण पाण्डे, कलाकार प्रदीप खड्का, सनम कठायत, मनोहर सुनाम परियार, गायक तथा संगीतकार कमल सुनार (सौराग), संगीतकार सन्तोष श्रेष्ठ, दीपक शर्मा र सानुकान्छा शाही, चलचित्र निर्देशक माधव राज खरेल, नृत्य निर्देशक शिवराम विक, चलचित्र निर्देशक रमेश कोइराला, गायक कुलमान नेपाली, सुरेशकुमार नेपाल परियार (यशकुमार) र भुपेन्द्र थापा सम्मानीत हुने भएका छन् ।
यस्तै कलाकार शानुकान्छा शाही (विक्रम जंग शाही), प्रभाकर शर्मा, इन्द्रबहादुर खत्री, कृष्णबहादुर बिक, गायक नवीन पौडेल र किरण गजमेर नेपाल सेवा प्रवीणबाट सम्मानित हुने भएका छन् ।
