बिर्तामोड / पछिल्लो २४ घण्टामा ५४२ जनामा कोरोना सङ्क्रमण पुष्टि भएको छ ।

स्वास्थ्य तथा जनसङ्ख्या मन्त्रालयका अनुसार कुल चार हजार ९३० जनाको कोरोना परीक्षण गर्दा ५४२ जनामा सङ्क्रमण पुष्टि भएको हो ।

OM Sai Pathibhara Hospital

जसमध्ये दुई हजार ८२ जनाको पीसीआर परीक्षण गर्दा २२४ र दुई हजार ८४८ जनाको  एन्टिजेन परीक्षण गर्दा ३१८ जनामा सङ्क्रमण देखिएको मन्त्रालयले जनाएको छ ।

स्वास्थ्य मन्त्रालयका अनुसार पछिल्लो २४ घण्टामा ४२१ जना सङ्क्रमणमुक्त भएका छन् भने कुनै पनि सङ्क्रमितको मृत्यु भएको छैन । त्यस्तै, पछिल्लो २४ घण्टामा  ९७ हजार ६५७ जनाले कोरोना विरुद्धको खोप लगाएका छन् ।

हाल नेपालमा सक्रिय सङ्क्रमितको सङ्ख्या पाँच हजार २६५ पुगेको छ ।