बिर्तामोड / सुनसरीको बराहक्षेत्र नगरपालिका- १ को बाघ खोलाले अटो बगाउँदा एकजनाको मृत्यु भएको छ । मृत्यु हुनेमा अटोमा सवार बराहक्षेत्र नगरपालिका- १ की १७ वर्षीया स्टिफिना राई रहेको प्रहरीले जनाएको छ । आइतबार साँझ पौने ८ बजेको समयमा चतराबाट धरान तर्फ आउँदै गरेको को २ ह ८९८५ नम्बरको टेम्पोलाई अचानक बाघखोलाले बगाउँदा चालक धरान- १७ का २२ वर्षीय राजु राई बेपत्ता भएका थिए ।
अटोलाई खोलाले बगाई बेपत्ता भएको भन्ने खबर प्राप्त भएसँगै तत्काल इलाका प्रहरी कार्यालय चतराबाट खटिएको प्रहरी टोलीले खोजतलास गर्ने क्रममा चालकलाई सामान्य घाईते अवस्थामा उद्धार गरेको तथा स्टिफिना राईलाई मृत अवस्थामा फेला पारेको थियो । घाईते चालकलाई उपचारको लागी धरान पठाएको तथा घटना सम्बन्धमा थप अनुसन्धान भइरहेको इलाका प्रहरी कार्यालय महेन्द्रनगरले जनाएको छ ।
