काठमाडौं / धादिङमा मलामी सवार गाडी दुर्घटना हुँदा २६ जना घाइते भएका छन् ।
सदरमुकाम धादिङबेसीबाट मलामी लिएर मैदी जाँदै गरेको स्वराज गाडी गएराति सडकमा पल्टिएर दुर्घटना भएको हो ।
जिल्ला प्रहरी कार्यालय धादिङका डीएसपी जागेश्वर भण्डारीका अनुसार दुर्घटनामा परी घाइते हुने मध्ये ५ जनाको अवस्था भने गम्भीर रहेको छ ।
दुर्घटनामा गम्भीर घाइते भएका ५ जनालाई उपचारका लागि ट्रमा सेन्टर काठमाडौं पठाइएको र बाँकी घाइतेको जिल्ला अस्पताल धादिङमा उपचार भइरहेको भण्डारीले बताए ।
