काठमाडौं / नायक पल शाहले आफूविरुद्ध षड्यन्त्र भएको दाबी गर्दै दोषी भए सजाय भोग्न तयार रहेको बताएका छन् ।
एक गायिकालाई जबरजस्ती करणी गरेको किटानी जाहेरी परेपछि शाहले सामाजिक सञ्जालमार्फत आफू माथि नियोजित र षड्यन्त्रपूर्वक ढंगले प्रहार भएको दाबी गरेका हुन् ।
उनले लेखेका छन्, ‘यदि म दोषी भए नेपालको कानुन बमोजिम सजाय भोग्न तयार छु ।’
ती गायिकालाई प्रयोग गरेर आफूलाई नियोजित ढंगले षड्यन्त्र गरेको भन्दै पलले दुर्गेश थापा, सरोज वली, कृष्ण जोशी र सम्राट चौलागाईँलाई समेत मुछेका छन् । उनले उनीहरूको अडियो क्लिपसमेत सामाजिक सञ्जालमार्फत सार्वजनिक गरिदिएका छन् ।
