एजेन्सी / भारतका दिग्गज गायक बाप्पी लाहिरीको ६९ वर्षको उमेरमा निधन भएको छ । भारतीय समाचार एजेन्सी पीटीआईले दिएको जानकारीअनुसार बुधबार बिहान मुम्बई अस्पतालमा उनको निधन भएको हो ।
समाचारमा उल्लेख गरिए अनुसार उनका डक्टरहरुले उनको मृत्यु भएको पुष्टि गरेका छन् । लिहिरीलाई एक महिना अघि नै अस्पतालमा भर्ना गरिएको थियो र गत सोमबार उनी डिस्चार्ज भएका थिए ।
बप्पी लाहिरीले सन् १९७०-८० को दशकका थुप्रै फिल्मका गीतहरुमा आवाज दिएका छन् । उनले सन् २०२० मा आएको बाग्गी ३ को गीत पनि गाएका थिए ।
