काठमाडौँ / हालै रिलिज भएको साउथ स्टार रवि तेजाको फिल्म खिलाडी रिलिजसँगै विवादमा परेको छ ।
बलिउड निर्देशक रतन जैनले फिल्मको निर्माता विरुद्ध फिल्मको नामलाई लिएर दिल्ली उच्च अदालतमा मुद्दा दायर गरेसँगै विवादमा परेको हो ।
वास्तवमा, बलिउड अभिनेता अक्षय कुमारको १९९२ मा रिलिज भएको फिल्मको नाम पनि खिलाडी थियो, जसलाई रतन जैनले निर्देशन गरेका थिए ।
रतन जैनले फिल्मको टाइटलका लागि स्वीकृति नलिएको आरोप लगाएका छन् ।
फेब्रुअरी ११ मा मुद्दाको सुनुवाइ गर्दा न्यायाधीशले फिल्मको रिलिजमा रोक लगाउन ढिलो भइसकेको बताएका थिए ।
यता रतनले भने फिल्मको रिलिज रोक्न नचाहेको पनि स्पष्ट पारेका थिए ।
खिलाडी फिल्म रिलिज हुनुभन्दा २ दिन अगाडिमात्र फिल्मको ट्रेलर रिलिज भएको हो ।
रतन जैनले यस्ता खाले क्रियाकलाप बढ्दै गएर धेरै समस्या निम्तिने पनि बताए ।
अब यस मुद्दाको सुनुवाइ १६ फेब्रुअरीमा हुनेछ ।
