मोबाइल फोन सिरानीमा राखेर सुत्नु हानिकारक

हामी मध्ये धेरैजसोले पक्कै पनि मोबाइल फोनलाई सिरानीमा राखेरै सुत्छौं । मोबाइललाई सिरानीमा राखेर सुत्दा के हुन्छ  भन्ने हामी धेरैलाई थाहा नहुन सक्छ ।  एक हप्तासम्म मोबाइललाई सिरानीबाट टाढा राखेर सुत्नुहोस् अनि आफैं हेर्नुहोस्, तपाईँमा कति परिवर्तन आउँछ ।

तपाईंले विचार गर्नुभएकै होला, धेरै समय मोबाइलबाट कुरा गरिसकेपछि अलिअलि चक्कर लाग्ने, आलस्य हुने जस्तो भएको । त्यो मोबाइलको रेडिएसनले गर्दा हो । त्यत्ति नै समय हेडफोन प्रयोग गरेर या लाउड स्पिकरमा बोल्नुहोस् र विचार गर्नुहोस्, तपाईंलाई पहिलेको जस्तो हुँदैन । 

हामी निदाएको बेला पनि दिमाग सक्रिय नै रहन्छ । दिमागमा अत्यन्तै नाजुक सेल्सहरू हुन्छन् । अन भएको मोबाइल फोन हाम्रो टाउको नजिक धेरै समय रह्यो भने त्यसको रेडिएसनले दिमागमा खलबली मच्चादिन्छ । त्यसले दिमागका सेल्सहरू निष्क्रिय पारिदिन्छ । जसले गर्दा सानासाना कुरा पनि याद नहुने, भर्खरै भनेको कुरा पनि बिर्सने, झनक्क रिस उठ्ने आदि जस्ता कुराहरू हामीमा विकसित हुन थाल्छन् । यी कुराहरू बढ्दै गएर अन्तिममा मानसिक सन्तुलन बिग्रने, ब्रेन ह्याब्रेज हुने जस्ता खतरनाक रोग पनि निम्तिन सक्छन् ।