एमाले जिल्ला अधिवेशन : ६३ जिल्लामा नयाँ नेतृत्व चयन

काठमाडौं /  प्रमुख प्रतिपक्षी दल नेकपा (एमाले)को ६३ जिल्लामा नयाँ नेतृत्व चयन भएको छ । गत शुक्रबारदेखि भएको अधिवेशनमा ६३ जिल्लामा पार्टी नेतृत्व टुङ्गो लगाएको हो । 

केही जिल्लामा नेतृत्व चयनका लागि मतनदानको प्रक्रिया जारी छ । सिन्धुपाल्चोकमा सर्वसम्मत नेतृत्व चयनको प्रयास जारी छ । दैलेख, पर्सा र चितवनमा अधिवेशन अवरुद्ध भएको छ ।

जिल्ला अधिवेशन भएकामध्ये प्रदेश १ का सबै जिल्लाले नयाँ नेतृत्व पाएका छन् । प्रदेश २ मा सप्तरी र सिरहाबाहेक ५ जिल्लाको नेतृत्व चयन बाँकी छ भने बाग्मतीका सिन्धुपाल्चोक र चितवनबाहेक अरु जिल्लाको सकिएको छ । प्रदेश २ को बारामा विनोद साह सर्वसम्मत अध्यक्ष चयन भएका छन् ।

गण्डकीका हिमाली जिल्ला मनाङ र मुस्ताङबाहेक सबै जिल्लाको नेतृत्व चयन भएको छ भने लुम्बिनीमा रोल्पा र पुर्वी रुकुमबाहेक अन्यत्र सकिएको छ ।

कर्णालीमा मुगु र हुम्लामा अधिवेशन भएको छैन । सुदूरपश्चिममा हिमाली जिल्ला बझाङको अधिवेशन भएको छैन, अन्यत्र नेतृत्व चयन टुंगिएको छ । बझाङमा हिमपातका कारण अधिवेशन हुन नसकेको हो ।

हालसम्म निर्वाचित जिल्ला अध्यक्षहरू:

प्रदेश २

बागमती

गण्डकी

लुम्बिनी

कर्णाली

सुदूरपश्चिम

गैरभौगोलिक जिल्ला