विराटनगर / नेकपा माओवादी केन्द्रको नेतृत्व चयनका लागि प्रदेश १ मा निर्वाचन हुने भएको छ ।
प्रदेश समितिको बैठकले अध्यक्ष, उपाध्यक्ष, सचिवसहितका पदाधिकारी टुंगो लगाउन नसकेपछि निर्वाचन हुने भएको हो ।
निर्वाचनको सम्पूर्ण तयारी पूरा भएको र मतदान आज (बुधबार) साँझ ७ बजे हुने निर्वाचन समिति संयोजक राजेन्द्र किरातीले जानकारी दिए ।
किरातीका अनुसार अध्यक्षलगायत ९ जना पदाधिकारीका लागि निर्वाचन गरिदैछ । नौ पदाधिकारीका लागि ४० जना आकांक्षी छन् ।
विराटनगरस्थित पार्टी कार्यालयमा हुने निर्वाचनमा पदाधिकारी चयनका लागि प्रदेश समितिका २६९ जनाले मतदान गर्नेछन् ।
अध्यक्षमा हर्कबहादुर लावती, शिवकुमार डाँगी, मोक्साहाङ मेन्याङ्बो, ध्रुव बुढाथोकी, देवान चाम्लिङ, मोहनकुमार खत्रीलगायत दाबेदार छन् ।