झापा / श्रीमानको कुटपिटबाट सङ्खुवासभामा श्रीमतीको मृत्यु भएको प्रहरीले जनाएको छ ।
मंगलबार सङ्खुवासभा पाँचखपन नगरपालिका –३ की २९ वर्षीया विष्णुमाया राई (लिम्बू) को मृत्यु भएको हो ।
प्रहरी निरीक्षक शुभेष अधिकारीका अनुसार विष्णुमाया को हत्यामा संलग्न भएको आरोपमा दीपन राई पक्राउ गरेको छ । अधिकारीका अनुसार घटनाबारे थप अनुसन्धान भइरहेको छ ।
यस्तै मङ्गलबार सङ्खुवासभा खाँदबारी नगरपालिका –११ मा जीवन दर्जीको कुटपिटबाट ३० वर्षीय चन्द्रबहादुर दर्जीको मृत्यु भएको छ ।
दुवै जनाबीच विवाद हुँदा कुटपिटबाट चन्द्रबहादुर गम्भीर घाइते भएका थिए । उनको उपचारका क्रममा जिल्ला अस्पतालमा मृत्यु भएको हो । कुटपिटमा संलग्न भएको आरोपमा जीवनलाई प्रहरीले पक्राउ गरेको छ ।
