बुधबारे / ट्राफिक सप्ताह कार्यक्रम अन्तर्गत बुधबारे ट्राफिक प्रहरीको आयोजनामा सचेतना मूलक कार्यक्रम सम्पन्न भएको छ ।
बुद्धशान्ति १ स्थित बुधबारेमा रहेको बुद्ध आदर्श माविका विद्यार्थीहरूलाई व्यस्त सडकमा कसरी बाटो काट्ने भनी सचेतना मूलक कार्यक्रम गरिएको थियो ।
त्यस्तै केही सवारीसाधनलाई रोकी ट्राफिक नियमको पालना गर्न समेत अनुरोध गरिएको थियो । कार्यक्रममा नेपाल स्काउट बुद्धशान्तिले सहकार्य गरेको थियो ।
पछिल्लो समय बुद्धशान्ति गाउँपालिकामा सवारी दुर्घटना न्यूनिकरणका लागि ट्राफिक प्रहरी बुधबारेले समय समयमा विभिन्न सचेतना मूलक कार्यक्रम गर्दै आएको ट्राफिक प्रहरी पोष्ट बुधबारेका इन्चार्ज राजकुमार चौधरीले जानकारी दिएका छन् ।
