चोरको खुट्टा काट भन्दा नेताले आफैंलाई भने जस्तो गरेर खुट्टा ताने’

शनिबार झापामा आयोजित एक कार्यक्रममा बोल्दै लिङ्देनले कांग्रेस महाधिवेशनको उद्घाटन सत्रमा आफूले नेताहरूले चरित्र सुधार्नु पर्ने कुरा भन्दा नेताहरू आफूमाथि खनिएको बताउँदै सो आरोप लगाएका हुन् ।  

उनले भने, ‘मैले प्रवृत्तिको कुरा गरेको थिएँ। तर नेताले आफैंलाई भनिएको जस्तो चोरको खुट्टा काट भन्दा खुट्टा ताने।’

आफू पदमा मात्र बस्न अध्यक्ष नभएको बताउँदै उनले भने, – ‘अब उपरखुट्टी लगाएर बस्नेको काम छैन। म पनि काम गर्छु, अरुले पनि गर्नुपर्छ।’

अध्यक्ष लिङदेनलाई कार्यकर्ताहरूले भद्रपुर विमान स्थलबाट स्कटिङ गरेर कार्यक्रम स्थल सम्म ल्याएका थिए । 

कार्यक्रममा १ नम्बर प्रदेश भरीका नेताहरूको उपस्थिति रहेको थियो । साथै उक्त कार्यक्रममा नयाँ सदस्यलाई प्रवेश समेत गराइएको थियो ।