गत आइतबार सम्पन्न कांग्रेसको नयाँ कार्यसमिति चयनका लागि भएको निर्वाचनको बिहीबार भएको मतगणनामा थापा र शर्मा विजयी भएका हुन् ।
शेखर कोइरालाको प्यानलबाट महामन्त्रीमा उम्मेदवार बनेका थापाले सबैभन्दा बढी ३०२३ मत ल्याएर महामन्त्रीमा निर्वाचित भएका छन् भने देउवा प्यानलबाट महामन्त्रीमा उम्मेदवार दिएका शर्माले १९८४ मत प्राप्त गरेका छन् ।
प्रकाशशरण महत १५५० मतसहित तेस्रो स्थानमा रहे । त्यस्तै प्रदीप पौडेल १४०९, मीनेन्द्र रिजालले ८०९ र राजाराम कार्कीले १०७ मत प्राप्त गरेका छन् ।
महत र पौडेल संस्थापन प्यानलबाट उम्मेदवार बनेका हुन् भने रिजाल र थापा भने कोइराला प्यानलका उम्मेदवार हुन् । त्यस्तै शर्मा प्रकाशमान सिंहको प्यानल र कार्की विमलेन्द्र निधिको प्यानलको उम्मेदवार हुन् ।
सभापति र उपसभापतिको भने मतगणना भइसकेको छ । सभापतिमा शेरबहादुर देउवा निर्वाचित भएका छन ।
त्यस्तै उपसभापतिमा देउवा प्यानलका पूर्णबहादुर खड्का र डा. शेखर कोइराला प्यानलका धनराज गुरुङ निर्वाचित भइसकेका छन् ।
