काठमाडौँ / नेपाली कांग्रेसको १४औँ महाधिवेशनअन्तर्गत सभापति शेरबहादुर देउवाको प्यानलले उम्मेदवारी दर्ता गरेको छ।
देउवा प्यानलबाट उप–सभापतिमा विजय कुमार गच्छदार र पूर्णबहादुर खड्का उम्मेदवार बन्नेछन्, भने महामन्त्रीमा प्रकाशशरण महत र प्रदीप पौडेल उम्मेदवार भएका छन् ।
यस्तै सह–महामन्त्रीका लागि आदिवासी जनजातिको तर्फबाट भीष्मराज आङदेम्बे, दलित तर्फबाट मानबहादुर बिक, महिलामा डिना उपाध्याय, मधेसीमा महेन्द्र यादव, खस आर्यमा किशोरसिंह राठौर, थारूमा उमाकान्त चौधरी, मुस्लिममा फरमुल्लाह मन्सुर र पीछडिएको क्षेत्रबाट जीवनबहादुर शाही उम्मेदवार बनेका छन् ।
उपसभापति कृष्णप्रसाद सिटौलासँग गठबन्धन गरेर देउवाले आफ्नो प्यानल तयार पारेका हुन् ।
यस अगाडि सभापति पदका लागि प्रकाशमान सिंह, कल्याण गुरुङ, युवराज न्यौपाने, डा. शेखर कोइराला र विमलेन्द्र निधिलले पनि मनोनयन गरिसकेका छन् ।