काठमाडौँ / नेपाली चलचित्र जगतका चर्चित अभिनेता निखिल उप्रेतीले जेठी श्रीमती कोपिला मैनालीसँग सम्बन्ध बिच्छेद गरेका छन् ।
दोस्रो विवाह गरेको १३ वर्षपछि निखिलले कोपिलासँग कानुनी रुपमा सम्बन्ध बिच्छेद गरेका हुन ।
निखिल र कोपिलाको सन् २००० मा विवाह भएको थियो । उनीहरूको विवाह भएको नौ वर्ष पछि सन् २००९ मा निखिलले अभिनेत्री सञ्चीता लुँइटेलसँग दोस्रो विवाह गरेका थिए ।
दोस्रो विवाहपश्चात् कोपिलासँग अलग बस्दै आएका निखिलले गत भदौ १ गते भक्तपुर जिल्ला अदालतबाट सम्बन्ध बिच्छेद गरेका हुन।
निखिल र कोपिलाका एक छोरा रहेका छन् ।
