बिर्तामोड / आज देशभर थप एक हजार ३८८ जनामा कोरोना संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरका प्रयोगशालामा गरिएको १० हजार २९७ जनाको पिसिआर र एन्टीजेन परीक्षणमा एक हजार ३८८ जनामा संक्रमण पुष्टि भएको हो।
पछिल्लो २४ घण्टामा २४ एक जना सङ्क्रमितको मृत्यु भएको छ भने हालसम्म मृत्यु हुनेको संख्या १० हजार ७१४ पुगेको मन्त्रालयले जनाएको छ ।
देशभर ३५ हजार ७९६ जना सक्रिय संक्रमित रहेका छन् । तीमध्ये ३२ हजार ७४४ होम आइसोलेसनमा रहेका छन्। संस्थागत आइसोलेसनमा तीन हजार ५२ संक्रमित छन् भने ६२५ जना आइसियुमा र १६७ जनाको भेन्टिलेटरमा राखी उपचार भइरहेको छ।
