क्याम्पस परिसरमा अनावश्यक रुपमा मानिसहरू प्रवेश गर्ने र उत्शृंखल गतिविधिका घटना हुन थालेपछी प्रशासनले कडा नियम लागू गरेको हो ।
सरकारी कार्यलयमा हापपेन्ट लगाएर प्रवेश गर्न नपाइने नियम सरकारले यस अघि नै लागू गरिसकेको भए पनि पूर्ण रुपमा भने लागु हुन सकेको थिएन । तर, महेन्द्र मोरङ क्याम्पसले भने केही दिन यता कडा रुपमा यो नियम लागू गर्न थालेको छ ।
पुरुषलाई हापपेन्ट र महिलालाई स्कट लगाएर गयो भने त्यहाँ खटिएका सुरक्षा गार्डले गेटबाट नै फकाईदिने गरेका छन् ।
क्याम्पस प्रशासनले यो नियम २– ३ महिना अगाडिदेखि नै लागु गरेको त्यहाँ खटिएका सुरक्षा गार्ड नगेन्द्र राईले बताए ।
उनले भने –‘प्रशासनले हामीलाई जे भन्यो त्यही गर्ने हो जो कोही हापपेन्ट वा स्कटमा सेवाग्राही वा विद्यार्थी प्रवेश गर्यो भने फर्काइदिनु भनेको छ, हामीले त्यही गरेको हो ।’
क्याम्पस प्रमुख बाबुराम तिम्सिनाले क्याम्पसमा हापपेन्टमा आउने विद्यार्थी हुन की गाँजा खाने मान्छे हुन् भनि छुटाउन नै गाह्रो हुन थाल्यो त्यही भएर यो नियामलाई कडा गर्न थालेको बताए ।
तिम्सिनाले भने, –‘क्याम्पसमा पछिल्लो समय अलिक बढी अनैतिक र उश्रृंखल खालका गतिविधि हुन थालेपछि हामीले परिसर भित्र आउनेहरुलाई कडाइ गर्न थालेका हौँ।’
