काठमाडौँ / नेपाली राष्ट्रिय क्रिकेट टोलीले
आजदेखि बन्द प्रशिक्षण शुरु गरेको छ । टोलीले आइसिसी विश्वकप क्रिकेट लिग–२ अन्तर्गत नेपाल, अमेरिका र ओमानविरुद्धको एक दिवसीय
त्रिकोणात्मक सिरिजकालागि प्रशिक्षण शुरु गरेको हो ।
आगामी सेप्टेम्बरमा ओमनमा हुने उक्त सिरिजका
लागि नेपाल क्रिकेट सङ्घ (क्यान)ले प्रशिक्षणमा १९ खेलाडीलाई बोलाएको छ । टोलीको
प्रशिक्षण कीर्तिपुरस्थित त्रिवि मैदानमा शुरु भएको क्यानले जनाएको छ ।
क्यानले बोलाएका १९ खेलाडीमध्ये नेपाल पुलिस
क्लबका खेलाडी गुलशन झा पहिलो पटक समावेश भएका हुन् । लिग–२ मा नेपालले अहिलेसम्म चार खेल खेलेको छ ।
बन्द प्रशिक्षणमा ज्ञानेन्द्र मल्ल, कुशल भुर्तेल, आरिफ शेख, दीपेन्द्रसिंह
ऐरी, आशिफ शेख, गुलशन झा, कुशल मल्ल, विनोद भण्डारी, करण केसी, सन्दीप लामिछाने, सोमपाल कामी रहेका
छन् । त्यसैगरी, कमलसिंह ऐरी, अविनाश बोहरा, शाहब आलम, सुशन भारी, शरद भेषवाकर, विक्रम शोब, पवन सर्राफ र रोहितकुमार पौडेल छन् ।
