धनगढी
/ कक्षा १२ को परीक्षा श्रावण ३१ गतेदेखि भदौ ९ गते सम्म हुने निर्णय भएको छ ।
राष्ट्रिय परीक्षा वोर्ड , प्रदेश परीक्षा
व्यवस्थापन कार्यालय धनगढीले परीक्षा सञ्चालनको तयारी अन्तिम चरणमा पुगेको जनाएको
छ ।
परीक्षा
बिहान ११ बजेदेखि २ बजे सम्म हुनेछ । कोरोना विरुद्ध उचित स्वास्थ्य मापदण्ड
अपनाएर भौतिक रूपमा सबै विद्यालयमा परीक्षा केन्द्र ( होम सेन्टर ) मा परीक्षा
सञ्चालन हुने व्यवस्था भएको छ ।
हाल
परीक्षा केन्द्रमा उत्तर पुस्तिका, प्रवेश पत्र लगायतका सामग्री पुर्याउने
काम भइरहेको प्रदेश परीक्षा व्यवस्थापन कार्यालय प्रमुख उत्तमदेव विष्टले
जानकारी दिएका छन् । कैलाली - कञ्चनपुर र पहाडी सात जिल्लाको हकमा इन्टरनेटको
सुविधा भएको परीक्षा केन्द्रहरूमा अनलाइन विधिबाटै प्रश्न पत्र पठाउने र सम्भव
नदेखिएका ठाउँमा प्रश्न पत्र पठाउने तयारी भएको बिष्टले जानकारी दिएका छन् ।
कक्षा
१२ को प्रयोगात्मक परीक्षा भाद्र १६ गतेभित्र सम्पन्न गरी बोर्डमा पठाउन
विद्यालयहरूलाई निर्देशन दिइएको छ । गत जेठमा सञ्चालन हुने भनिएको परीक्षा कोभिड -१९ को सङ्क्रमण उच्च
भएपछि स्थगित भएको थियो । बोर्डले अघिल्लो वर्ष ४० प्रतिशत मूल्याङ्कनका लागि
परीक्षा लिएकोमा यस वर्ष शतप्रतिशत नै परीक्षा लिने भएको छ ।
