म्याग्दी / यहाँको
अन्नपूर्ण गाउँपालिकाले स्थानीय पाठ्यक्रम बनाएको छ । गाउँपालिकाको शिक्षा, युवा
तथा खेलकुद शाखाले तयार पारेको पाठ्यक्रम
अनुसारको पुस्तक छपाइ गरेर नयाँ शैक्षिक सत्रदेखि पठनपाठन गराउन
लागिएको हो । नेपालको संविधानले स्थानीय पालिकालाई प्राथमिक तहको पाठ्यक्रम बनाएर
आवश्यकता अनुसार
लागू गर्ने अधिकार दिएको छ । उक्त अधिकार भए पनि लामो समयसम्म अभ्यास भएको थिएन ।
गाउँ शिक्षा ऐनअनुसार पाठ्यक्रमको मस्यौदा
कार्यपालिका बैठकबाट पारित गरी पुस्तक छपाएर लागु गर्न लागिएको गाउँपालिकाका
शिक्षा अधिकृत गणेशबहादुर कटुवालले जानकारी दिएका छन् । “मौलिक
विषयवस्तुमा आधारित कक्षा १ देखि ५ सम्मको पाठ्यक्रम तयार भएको छ”, उनी
भन्छन्, “स्थानीय पाठ्यक्रमअनुसार कक्षा १ को
पुस्तक बनाई छापेर विद्यालयहलाई वितरण गर्दैछौँ ।” एक
सय पूर्णाङ्कको पुस्तकमा १४ वटा एकाइ छन् ।
पुस्तकमा गाउँपालिकाको परिचय, सामाजिक
संस्कार, संस्कृति, धार्मिक
स्थलह, विकासका पूर्वाधार र हरित विद्यालय, प्राकृतिक
स्रोत र सम्पदा, प्राकृतिक प्रकोप, पर्यटन, परम्परागत
प्रविधि, पेशा, उद्यमशीलता
र सुखी जीवन, ट्राफिक र सडक रेखासम्बन्धी शिक्षालाई
समावेश गरिएको छ ।
यसैगरी नैतिकता सहितको जीवनोपयोगी शिक्षा, स्थानीय
खेलकुद, स्थानीय आदर्श व्यक्तिह र समसामयिक
विषयवस्तुलाई समेटिएको पुस्तकको पाठ्यभार घण्टा १६० घण्टा छ । पुस्तकमा सत्तरी
प्रतिशत चित्र र ३० प्रतिशत शब्द राखिएको छ । ट्राफिक नियमलाई पनि पुस्तकमा
राखिएको छ ।
‘हाम्रो गाउँपालिका’ नाम
राखिएको कक्षा १ को एक हजार प्रति पुस्तक छपाइ भएको छ । पालिकाभरका ३६ वटा
सामुदायिक विद्यालयका कक्षा १ मा २५० जनाको हाराहारीमा विद्यार्थी छन् ।
गाउँपालिकाले गत आर्थिक वर्षमा पाठ्यक्रम निर्माणकालागि तीन लाख र पुस्तक छपाइ
गर्न चार लाख ९८ हजार बजेट विनियोजन गरेको थियो ।
गाउँपालिकाका शिक्षा शाखाका स्रोत व्यक्ति भरत
पुनले पाठ्यक्रम निर्माणका लागि विनियोजन भएको सबै बजेट खर्च नभएको बताएका छन् । उनले
आगामी वर्षका लागि पनि आवश्यक पर्ने कक्षा १ को पुस्तक यसै वर्ष छपाइ गरेको बताएका
छन् । आगामी वर्ष कक्षा २ र ३ को पनि पुस्तक तयार पारेर लागु गर्ने गाउँपालिकाले
जनाएको छ । शिक्षा शाखाका कर्मचारी र सामुदायिक विद्यालयका शिक्षक तथा सरोकारवालाहको
सहभागितामा पाठ्यक्रम र पुस्तक निर्माण भएको हो ।
शिक्षा अधिकृत कटुवालको संयोजकत्वमा विषय समिति
र स्रोत व्यक्ति पुनको संयोजकत्वमा पाठ्यक्रम निर्माण तथा मस्यौदा समिति गठन भएको
थियो । गाउँ कार्यपालिकाको सामाजिक विकास समितिका संयोजक ओम फगामीले संविधानले
दिएको अधिकार प्रयोगसँगै बालबालिकाले आफ्नो पालिकाको बारेमा जान्ने र बुझ्ने अवसर
पाउने बताएका छन्।
“स्थानीय पाठ्यक्रम लागु भएपछि पालिकको
मौलिकपन पनि बढ्ने छ”, उनी भन्छन्, “धार्मिक
क्षेत्र, ऐतिहासिक पक्ष, जनजीवन, भाषा
र संस्कृति, भूगोल तथा कृषि क्षेत्रका बारेमा
बालबालिकाले जान्ने र बुझ्ने अवसर पाउनेछन् ।” यसअघि
बेनी नगरपालिकाले गत वर्ष जिल्लामै पहिलो पटक स्थानीय पाठ्यक्रम र पुस्तक तयार
पारेर लागु गरेको थियो ।
