मोरङ / भारतीय र अमेरिकी डलरसहित २ जनालाई प्रहरीले पक्राउ गरेको छ। विराटनगर महानगरपालिका – १७ मटेरुवा चोकबाट पक्राउ परेका उनीहरु भारतको उत्तर प्रदेश लखनउका ३४ वर्षीय अतुल कुमार र ३५ वर्षीय सन्दिप सिंह रोय रहेका छन्।
शुक्रबार साँझ भारतबाट नेपाल तर्फ आउँदै गरेका उनीहरूको साथबाट भारतीय नोट ५०० को २०० थान १ लाख र सन्दिप सिंह रोयको साथबाट भारतीय नोट ५०० को २१७ थान १ लाख ८ हजार ५ सय, अमेरिकन नोट १०० को २१ थान, २० को ५ थान, १० को १ थान , र १ को ४ थान सहित उनीहरूलाई नियन्त्रणमा लिएको प्रदेश एक प्रहरी कार्यालयका प्रहरी प्रवक्ता प्रहरी उपरीक्षक नविनराज राईले जानकारी दिएका छन् ।
पक्राउ परेका उनीहरूलाई आवश्यक कारबाहीको लागी आन्तरिक राजश्व कार्यालय इटहरी पठाइएको प्रदेश प्रहरी कार्यालयले जनाएको छ ।
