गौरादह / झापाको गौरादहमा सोमबार राति मोटरसाइकलको ठक्करबाट एक वृद्धको मृत्यु भएको छ भने तीन जना घाइते भएका छन् ।
मृत्यु हुनेमा गम्भीर घाइते भएका गौरादह–३ बस्ने ७२ वर्षीय चेतबहादुर
दाहाल रहेको इलाका प्रहरी कार्यालय दमकले जनाएको छ । दाहालको दमकस्थित लाइफ लाइन
अस्पतालमा उपचारका क्रममा मृत्यु भएको थियो ।
प्रहरीका अनुसार गौरादह बजार उत्तर सडकखण्डमा पैदल
हिँडिरहेका दाहाललाई प्र१०१–०१२प५९९० नंको मोटरसाइकलले सोमबार साँझतिर ठक्कर दिएको र अन्य
घाइतेको दमक र विराटनगरका अस्पतालमा उपचार भइरहेको प्रहरी नायब उपरीक्षक नवराज
कार्कीले बताएका छन्।
ठक्कर दिने मोटरसाइकल चालक गौरादह–४ का २८ वर्षीय भरत रिजाल
विराटनगरको न्यूरो अस्पताल र त्यसमा सवार सोही वडाका २६ वर्षीय रविन पौडेलको भने
लाइफलाइन अस्पतालमा उपचार भइरहेको प्रहरीले जनाएको छ ।
