काठमाडौं
/ आज युरोकप १६ औं संस्करणको फुटबल
अन्तर्गत क्वाटरफाइनलका दुई खेल हुँदैछन् । आज हुने पहिलो खेलमा चेक रिपब्लिक र डेनमार्क
प्रतिस्पर्धा गर्न लागेका हुन् ।
चेक रिपब्लिक र डेनमार्कबीचको खेल अजरबैजानको बाकु ओलम्पिक स्टेडियममा हुनेछ । चेक रिपब्लिक र डेनमार्कबीचको खेल नेपाली समय अनुसार राति ९:४५
बजे सुरु हुनेछ ।
चेक रिपब्लिकले प्रि-क्वाटरफाइनलमा उपाधि दाबेदार मानिएको नेदरल्यान्ड्सलाई हराएको थियो । चेक रिपब्लिकले १० खेलाडीमा सिमित नेदरल्यान्ड्समाथि २-० गोलको जित निकालेको थियो । डेनमार्कले भने प्रि-क्वाटरफाइनलमा वेल्सलाई फराकिलो अन्तरले हराएको थियो । १० खेलाडीमा सिमित वेल्सलाई ४-० गोल अन्तरले पराजित गर्दै डेनमार्कले अन्तिम आठको यात्रा तय गरेको हो ।
आज हुने दोस्रो खेलमा युक्रेन
र इङ्ल्यान्ड प्रतिस्पर्धा गर्ने छन् । इटालीको रोमामा हुने दुई टोलीबीचको खेल नेपाली
समय अनुसार राति १२:४५ बजे सुरु हुनेछ ।
इंग्ल्यान्ड उपाधि दाबेदार जर्मनीलाई पराजित गर्दै क्वाटरफाइनलमा पुगेको हो । इंग्ल्यान्डले प्रि-क्वाटरफाइनलमा तीन पटकको च्याम्पियन जर्मनीलाई २-० गोल अन्तरले पराजित गरेको थियो । युक्रेनले भने स्विडेनलाई पराजित गर्दै इंग्ल्यान्डसँगको भेट पक्का गरेको हो । युक्रेनले स्विडेनलाई अतिरिक्त समयमा २-१ गोल अन्तरले पराजित गरेको थियो।
