४ असार, काठमाडौ/ शैक्षिक सत्र २०७८-०७९ कालागि नेपाल
खुला विश्वविद्यालयले व्यवस्थापन तथा कानून संकाय अन्तर्गत विभिन्न अनलाईन भर्ना
आवेदन खुला गरेको छ ।
मास्टर अफ बिजनेस
एड्मिनिस्ट्रेसन(एमबीए) दुई वर्षे सेमेष्टर स्नातकोत्तर कार्यक्रम, मास्टर अफ साईन्स इन डीभलभमेन्ट
मेनेजमेन्ट एन्ड गोभर्नेन्स (एमएसडीएमजी) दुई वर्षे सेमेष्टर स्नात्तकोत्तर
कार्यक्रम, ब्याचलर
अफ ल (एलएलबी) तीन वर्षे वार्षिक स्नातक कार्यक्रममा भर्ना खुलाएको हो ।
आवेदकले फाराम विश्वविद्यालयको
वेभसाईटमा गएर भनुपर्नेछ। सम्बन्धित शैक्षिक कार्यक्रमका लागि तोकिएको योग्यता
पुगेका प्रमाणपत्रहरु स्क्यान गरेर अपलोड गर्नुपर्ने विश्वविद्यालयले सुचनामा
उल्लेख गरेको छ ।
योग्यता पुगेका इच्छुक
विद्यार्थीले साउन १५ गतेसम्म आवेदन दिन सक्नेछन् । विश्वविद्यालयले प्रवेश
परीक्षा पनि अनलाईन मार्फत लिने जनाएको छ ।प्रवेश परीक्षा एमबीए तहका लागि साउन २३
गते सनिबार बिहान साढे आठ बजे, सोही दिन एमएसडिएमजीको दिउँसो तीन बजे र एलएलबी तहका लागि
साउन ३० गते सनिबार बिहान साढे आठ हुने जनाएको छ ।
विश्वविद्यालयले एमबीएको आवेदन शुल्क १२ सय, एमएसडिएमजीको आवेदन शुल्क १२ सय र एलएलबीको लागि एक हजार तोकेको छ ।आवेदन शुल्क नेपाल खुला विश्वविद्यालयको ग्लोबल आईएमई बैंक कीर्तिपुर शाखामा जम्मा गरी नगदी भौचर स्क्यान गरी आवेदन साथ अपलोड गर्नुपर्नेछ ।
