इनरुवा / सप्तकोशी नदीमा हामफाली आत्महत्याको प्रयास गर्ने छ जनालाई जिल्ला प्रहरी कार्यालय सुनसरीले सकुशल उद्धार गरेको छ । ब्यारेजको पुलबाट नदीमा हामफालेका उनीहरु सबैलाई प्रहरी चौकी कोशी ब्यारेजका प्रहरीले सकुशल उद्धार गरेको सुनसरीका प्रहरी नायब उपरीक्षक नरेन्द्रकुमार कार्कीले जानकारी दिएका छन् । गत असारदेखि साउन महिनाको अवधिमा आत्महत्याका लागि नदीमा हामफालेका उनीहरुलाई प्रहरीले सकुशल उद्धार गरेको जिल्ला प्रहरी कार्यालयले जनाएको छ । सकुशल उद्धार गरेकामा सुनसरी गढीका ७८ वर्षीय पुरुष, विराटनगरकी ५५ र ३५ वर्षीया महिला रहेका छन् ।त्यसैगरी भारत मधुवनीका २५ वर्षीय युवक, इटहरीकी ६५ वर्षीया म
धरान //राजनीतिक दलको अनुरोधमा धरान उपमहानगरपालिकाले शुक्रबारबाट गर्ने भनिको कडा लकडाउन फिर्ता भएको छ। व्यवसायीले बुधबार र विहिबार धरानमा लकडाउनको चर्को विरोध प्रदर्शन गरेपछि शुक्रबारबाट गर्ने भनिएको कडा लकडाउन फिर्ता भएको हो। धरान उपमहानगरपालिकाका प्रमुख तिलक राईको अध्यक्षतामा विहिबार भएको सर्वपक्षिय छलफलले लकडाउन फिर्ता गर्ने निर्णय गरेको हो। अब एक हप्ता भित्र स्वास्थ्यका मापदण्ड पालनामा कडाई गरिने र अहिले भईरहेको निषेधाज्ञालाई निरन्तरता दिईने धरान उपमहानगरपालिकाका स्वास्थ्य महाशाखा प्रमुख उमेश मेहताले बताएका छन्।
सुनसरी//सप्तकोसीमा आत्महत्याको प्रयास गरेका ६ जनालाई प्रहरीले उद्दार गरेको छ। असार र साउन महिनामा आत्महत्याको प्रयास गरेका ६ जना पुरुष र महिलालाई उद्धार गरेर आफन्तको जिम्मा लगाइएको जिल्ला प्रहरी कार्यालय सुनसरीका प्रहरी प्रमुख एसपी सञ्जय सिंह थापाले जानकारी गराएका छन्। धेरै जनाको पारिवारिक सम्बन्ध नराम्रो भएको तथा आर्थिक तनाव भएकाले आत्महत्या प्रयास भएको प्रारम्भिक अनुसन्धानमा देखिको एसपी थापाले बताएका छन्। आत्महत्याको प्रयास गर्न लागेकालाई प्रहरी चौकी कोसी ब्यारेजको टोलीले रोक्न खोज्दा आफू मर्न चाहेकाले छोडिन आग्रह समेत गर्ने गरेको प्रहरीले बताएको छ।असार १ गते सुनसरी गढी गाउँपालिक
धरान / जबर्जस्ती करणी मुद्दामा फरार रहेका सुनसरीका एक युवालाई प्रहरीले मोरङबाट पक्राउ गरेको छ । पक्राउ पर्नेमा वराहक्षेत्र नगरपालिका –६ का २८ वर्षीय राजकुमार यादव रहेका छन् । यादवलाई विराटनगर महानगरपालिका –५ त्रिमूर्ति चोकबाट प्रहरीले भदौ १ गते पक्राउ गरेको जिल्ला प्रहरी कार्यालय सुनसरीले जनाएको छ । प्रहरीका अनुसार यादवले गत साउन १३ गते एक युवतीलाई इटहरी उपमहानगर –६ स्थित सिद्धार्थ होटलमा लगी जबर्जस्ती करणी गरी त्यसपश्चात् फरार भएका थिए । पीडितका आफन्तले दिएको उजुरीका आधारमा उनीमाथि कारबाही अगाडि बढाइएको प्रहरीले जनाएको छ ।
काठमाडौँ / मनसुनी वायुको प्रभावले अझै तीन दिन देशको अधिकांश स्थानमा वर्षा हुने जल तथा मौसम विज्ञान विभागले जनाएको छ । मनसुनी वायुको प्रभावसँगै न्यून चापीय रेखा नेपालभन्दा केही दक्षिणतिर रहेको र बङ्गालको खाडीको उत्तर –पश्चिमी भागमा निम्न चापीय प्रणाली रहेकाले मनसुन सक्रिय भई अधिकांश स्थानमा हल्कादेखि मध्यम वर्षाको सम्भावना रहेको जल तथा मौसम विज्ञान विभागका मौसमविद् प्रतिभा मान्नधरले बताइन् । उनका अनुसार मौसम सफा भई घाम लाग्न अझै केही समय लाग्ने छ । हाल गण्डकी प्रदेशमा सामान्य देखि पूर्ण बदली रही अन्य प्रदेशमा आंशिकदेखि सामान्य बदली रहेको छ । वाग्मती र गण्डकी प्रदेशका केही स्थानम
काठमाडौं / सञ्चार उद्यमी महेन्द्र शेरचनको कोरोना सङ्क्रमणका कारण निधन भएको छ । राजधानी दैनिकका अध्यक्ष शेरचनको सशस्त्र प्रहरीको एपीएफ अस्पतालमा बुधबार साँझ निधन भएको हो ।६७ वर्षीय शेरचनलाई दुई हप्ता अगाडि कोरोना संक्रमण पुष्टि भएको थियो । शेरचनको आजै ११ बजे पशुपति आर्यघाटमा अन्त्येष्टि गरिने पारिवारिक स्रोतले जानकारी गराएको छ ।वैदेशिक रोजगार व्यवसायी संघको संस्थापक अध्यक्षसमेत रहेका शेरचन मिडिया सोसाइटीका पूर्वअध्यक्ष समेत हुन् । शेरचन हाल मिडिया अलाइन्सको उपाध्यक्ष र नेपाल सरकारको विज्ञापन बोर्डका सदस्य थिए ।मृतक शेरचनका श्रीमती, तीन छोरा र एक छोरी रहेका छन् ।
बिर्तामोड / एक नम्बर प्रदेश सरकारले सार्वजनिक यातायातका साधनको सवारी भाडा वृद्धि गरेको छ ।भौतिक पूर्वाधार विकास मन्त्रालयले सार्वजनिक सवारीका साधनको भाडा २३ प्रतिशत वृद्धि गरेको हो । मन्त्रालयले सार्वजनिक सूचना जारी गरी भाडा वृद्धि गरिएको जनाएको हो ।प्रदेशभित्र चल्ने यात्रुवाहक सार्वजनिक सवारीका साधनको भाडा २२ प्रतिशत बढाएको छ । त्यसैगरी प्रदेशका पहाडी क्षेत्रमा सञ्चालन हुने सार्वजनिक सवारीका साधनको भाडा १६ दशमलव ५ प्रतिशतले बढाएको छ ।त्यसैगरी सरकारले मालबाहक सवारीको भाडा २३ प्रतिशत वृद्धि गरेको छ ।यातायात व्यवसायीले भने प्रदेश सरकारले बढाएको भाडा प्रति असन्तुष्टि जनाएका छन् । महासङ्घका महासचि
बिर्तामोड / झापाको बिर्तामोडको दुई फरक-फरक स्थानबाट लागूऔषध ब्राउन सुगर सहित प्रहरीले ४ जनालाई पक्राउ गरेको छ । इलाका प्रहरी कार्यालय बिर्तामोडबाट खटिएको प्रहरी टोलीले बिर्तामोड– ५ जात्रुबारीका २० वर्षीय रतन राजवंशी र २४ वर्षीय सुरस चौधरीलाई लागूऔषध ब्राउन सुगर ३ ग्राम ३० मिली ग्राम सहित पक्राउ गरेको हो ।त्यसैगरी सोही कार्यालयबाट खटिएको प्रहरी टोलीले चारपानेबाट बिर्तामोड –१ कि देवी तामाङ र बिर्तामोड –५ कि २१ बर्षीया सिता खतिवडालाई लागूऔषध ब्राउन सुगर ४ ग्राम ४५ मिलीग्राम सहित पक्राउ गरेको छ ।
बिर्तामोड (रासस) बिजुलीको आन्तरिक खपत बढाउने ध्येयका साथ सरकारले ‘विदेशी ग्यास छोडौँ, स्वदेशी बिजुली जोडौं’ नाराका साथ प्रवर्द्धनात्मक योजना अगाडि सारेको छ। देशभित्रै बिजुली खपत बढाउने र समृद्धिको लक्ष्यलाई साकार पार्ने योजनाका साथ उक्त कार्यक्रम अगाडि बढाउन लागिएको हो।राष्ट्रिय गौरवको आयोजनाको रुपमा रहेको माथिल्लो तामाकोशी जलविद्युत् आयोजनाको बिजुलीसमेत राष्ट्रिय प्रणालीमा जोडिएपछि देशभित्र कूल जडित क्षमता दुई हजार मेगावाटको हाराहारीमा पुगेको छ। प्रणालीमा हाल एक हजार ५०० मेगावाट बराबरको बिजुली माग छ। बढी बिजुली माग हुने साँझ बिहानको समयमा बिजुलीको माग बढी भए पनि रातको समयमा कम माग हुने गरेको
झापा / नेपाल पत्रकार महासङ्घ झापा शाखाको भवन निर्माणका लागि प्रदेश नं १ सरकारले रू ४० लाख प्रदान गर्ने भएको छ ।प्रदेश सरकारको आन्तरिक मामिला तथा कानुन मन्त्रालय मार्फत भवन उक्त रकम विनियोजन भएको महासङ्घका शाखा अध्यक्ष एकराज गिरीले जानकारी दिएका छन् । बिर्तामोड स्थित नयाँ बसपार्कमा रहेको एकतले भवनमा दुई तला थप्ने गरी तत्काल काम अघि बढाइने उनले बताएका छन्।यसका लागि शाखाका उपाध्यक्ष केशव भट्टराईको संयोजकत्वमा सात सदस्यीय भवन निर्माण समिति समेत गठन गरिएको छ । प्रदेश सरकारसँग भवन निर्माण सम्झौता गर्न जाने तयारी भइरहेको उनले जानकारी दिएका छन् ।यसैबीच महासङ्घ प्रदेश नं १ कमिटीका कोषाध्यक्ष विमल
Copyright © 2021 / 2024 / Esoul Media (P) Ltd. / All Rights Reserved.
