काठमाडौं। नेपाल संस्कृत विश्वविद्यालयको नेतृत्व परिवर्तन हुने भएको छ। उपकुलपति छनोट तथा सिफारिस समितिले शिक्षाविद् भीम खतिवडालाई उपकुलपतिका लागि सिफारिस गरेसँगै उनको नियुक्तिको प्रक्रिया अन्तिम चरणमा पुगेको छ।
प्रचलित व्यवस्थाअनुसार समितिले सिफारिस गरेको नाम कुलपतिसमक्ष पठाइनेछ र कुलपतिले औपचारिक निर्णयमार्फत उपकुलपति नियुक्त गर्नेछन्।
खतिवडाको नाम टुंगिएसँगै विश्वविद्यालयले नयाँ शैक्षिक नेतृत्व पाउने अपेक्षा गरिएको छ। अब औपचारिक नियुक्तिपछि उनले विश्वविद्यालयको शैक्षिक, प्रशासनिक र नीतिगत नेतृत्व सम्हाल्नेछन्।
